ជំពូកទី ​៧១

ខ្ញុំបានស្តែងចេញអង្គខ្ញុំឲ្យអ្នករាល់គ្នាឃើញទាំងអស់ ប៉ុន្តែតើហេតុអ្វីបានជាអ្នករាល់គ្នា​មិនអាចគិតពិចារណាព្រះបន្ទូលខ្ញុំដោយអស់ពីដួងចិត្តរបស់អ្នក? ហេតុអ្វីបានជាអ្នកទុកព្រះបន្ទូលខ្ញុំជាសម្រាម? តើអ្វីដែលខ្ញុំមានព្រះបន្ទូលមិនត្រឹមត្រូវឬ? តើព្រះបន្ទូលខ្ញុំបានធ្វើឲ្យអ្នករាល់គ្នាងាយរងគ្រោះឬ? អ្នកកំពុងពន្យារពេល និងស្ទាក់ស្ទើរជាបន្តបន្ទាប់។ ហេតុអ្វីបានជាអ្នករាល់គ្នាធ្វើទង្វើ​បែបនេះ? តើខ្ញុំមិនបានមានបន្ទួល​ច្បាស់ទេឬ? ខ្ញុំបាននិយាយជាច្រើនដងថាព្រះបន្ទូលខ្ញុំ គួរតែត្រូវបានពិចារណាដោយយកចិត្តទុកដាក់ ហើយអ្នកគួរតែយកចិត្តទុកដាក់ចំពោះព្រះបន្ទូលខ្ញុំ។ តើមាននរណាម្នាក់ក្នុងចំណោមអ្នករាល់គ្នាជាក្មេង ដែលស្តាប់បង្គាប់​ និង​មិនចុះចូល​​ដែរឬទេ​? តើព្រះបន្ទូលខ្ញុំគ្មានប្រយោជន៍ទេឬ? តើព្រះបន្ទូលខ្ញុំមិនមានឥទ្ធិពលទាល់តែសោះឬ? តើអ្នករាល់គ្នា​អាចធ្វើតាមព្រះហឫទ័យខ្ញុំបាន ប៉ុនណា? ប្រសិនបើអ្នកលែង​ទទួលបានការ​ប្រៀនប្រដៅ​​សោះនោះ ពេលនោះ​​អ្នកនឹងដើរខុសគន្លង និងមិនអាចគ្រប់គ្រងបានឡើយ​។ ប្រសិនបើខ្ញុំមិនបញ្ជាក់​ឲ្យ​បានច្បាស់ពីរបៀបដែលត្រូវ​ប្រព្រឹត្ត​ និងនិយាយនោះទេ នោះតើវាអាចក្លាយជា​អារម្មណ៍ពិត​ដែលអ្នករាល់គ្នា​​នឹង​មិន​​យល់ដែរទេ? តោះចាំខ្ញុំមានបន្ទូល​ប្រាប់អ្នក! អ្នកដែលទទួលរងការបាត់បង់ គឺជាមនុស្សដែលមិនស្តាប់បង្គាប់ ដែលមិនចុះចូល ហើយដែលជឿដោយល្ងីល្ងើ! មនុស្សដែលមិនយកចិត្តទុកដាក់នឹងអ្វីដែលខ្ញុំមានព្រះបន្ទូល ហើយមិនអាចយល់សេចក្តី​លម្អិត នឹងមិនអាចយល់ពីបំណងព្រះហឫទ័យខ្ញុំឡើយ​ ហើយក៏មិនទាំងអាចបម្រើ​ខ្ញុំបានដែរ។ មនុស្សបែបនេះ នឹងត្រូវបានដោះស្រាយដោយអង្គ​ខ្ញុំ និងទទួល​ការជំនុំជម្រះរបស់ខ្ញុំ។ ការមិនយល់ច្បាស់ពីសេចក្តី​លម្អិត គឺការ​មិន​គោរពកោត​ក្រែង​ ក៏ដូចជា​ខ្វះការ​ពិចារណា​ដោយចេតនា ដូច្នេះខ្ញុំស្អប់មនុស្សបែបនេះ ហើយនឹង​មិន​ឲ្យ​ពួកគេ​ទេ។ ខ្ញុំនឹងមិនសណ្តោស​ប្រណីពួកគេឡើយ។ ខ្ញុំនឹងបង្ហាញឫទ្ធានុភាព​ និងការជំនុំជម្រះរបស់ខ្ញុំតែ​ប៉ុណ្ណោះដល់​ពួកគេ​។ ឃើញទេ បើអ្នកនៅតែហ៊ានបញ្ឆោតខ្ញុំ។ ខ្ញុំជាព្រះដែលពិនិត្យមើលជម្រៅខាងក្នុងបំផុតនៃជម្រៅដួងចិត្តមនុស្ស។ ចំណុចនេះគួរតែត្រូវបានបង្ហាញឲ្យ​ឃើញចំពោះមនុស្សគ្រប់គ្នា បើមិនដូច្នោះទេ ពួកគេនឹងធ្វើកិច្ចការរបស់ពួកគេតាមរបៀបធម្មតា ហើយដោះស្រាយជាមួយខ្ញុំដោយឥតខ្ចោះ។ នេះជាហេតុផលដែលខ្ញុំវាយ​ប្រហា​រ​មនុស្សមួយចំនួនដោយ​អចេតនា។​ ខ្ញុំបានមានព្រះបន្ទូលថាខ្ញុំនឹងមិនធ្វើបាបនរណាម្នាក់ដោយអយុត្តិធម៌ ថាខ្ញុំមិនធ្វើខុស ហើយថារាល់សកម្មភាពរបស់ខ្ញុំត្រូវបានធ្វើដោយការរៀបចំប្រ​កប​​ដោយ​បញ្ញានៃព្រះហស្ដរបស់ខ្ញុំ។

ការជំនុំជម្រះរបស់ខ្ញុំ ​បានធ្លាក់ទៅលើមនុស្សទាំងអស់ដែលមិនស្រឡាញ់ខ្ញុំពិតប្រាកដ។ វាច្បាស់ណាស់ថា​នៅពេលនេះ​ ថាតើ​នរណា ដែល​​ខ្ញុំបានកំណត់ និងជ្រើសយក​ ហើយនរណាជាគោលដៅនៃ​ការ​កម្ចាត់​ចោល​របស់ខ្ញុំ។ ទាំងនេះនឹងត្រូវលាតត្រដាងម្តងមួយៗ ហើយគ្មានអ្វីត្រូវលាក់ឡើយ។ គ្រប់​មនុស្ស ព្រឹត្តិការណ៍នានា និងអ្វីៗគ្រប់យ៉ាង​ទាំងអស់កើតឡើង និងស្ថិតនៅ​ដើម្បីនាំព្រះបន្ទូលរបស់ខ្ញុំទៅ​តាមការ​ចាក់បំពេញ​​ ហើយពួកគេទាំងអស់​បានធ្វើឲ្យ​ព្រះបន្ទូលដែល​​ចេញពីមាត់ខ្ញុំក្លាយ​ទៅជា​ការពិត​​។ ​ទូទាំង​​សកល​លោក​ និងផែនប្រឹថពី​ទាំង​មូល​ត្រូវបានគ្រប់គ្រងដោយខ្ញុំតែម្នាក់ឯង។ ខ្ញុំត្រូវតែវាយនរណាម្នាក់ដែលមិនគោរពតាមព្រះ​បន្ទូលខ្ញុំ ឬបដិសេធមិនអនុវត្តសកម្មភាពរបស់ខ្ញុំ ធ្វើ​ឲ្យ​​បុគ្គលម្នាក់​​​នោះលិចទៅស្ថានឃុំព្រលឹង ហើយឈប់កើតមាន​តទៅ​ទៀត​។ ព្រះបន្ទូលរបស់ខ្ញុំទាំងអស់ គឺសមរម្យ និងត្រឹមត្រូវ ហើយ​គ្មានភាពសៅហ្មងទាល់តែសោះ។ តើលក្ខណៈនៃការនិយាយរបស់អ្នករាល់គ្នាអាចស្រ​ដៀងនឹងព្រះបន្ទូលខ្ញុំដែរឬទេ? អ្នក​វង្វេងស្មារតីហើយ។ អ្នកមិនយល់​ឡើយ ហើយអ្នកក៏មិនបានពន្យល់ខ្លួនឯងឲ្យ​ច្បាស់ដែរ ប៉ុន្តែអ្នកគិតថាអ្នកបានទទួលរបស់ខ្លះ ហើយថាអ្នកស្ទើរតែបានរបស់នោះហើយ។ តោះចាំខ្ញុំមានមានបន្ទូលប្រាប់​អ្នក! មនុស្សដែលពេញចិត្តនឹងខ្លួនអ្នកកាន់តែខ្លាំង​ ពួកគេកាន់តែ​នៅឆ្ងាយពីការសម្រេចបានតាម​​បទដ្ឋានរបស់ខ្ញុំ​។ ពួកគេមិនយកចិត្ដទុកដាក់នឹងព្រះហឫទ័យខ្ញុំទេ ហើយពួកគេបោកប្រាស់ខ្ញុំ និងបន្ថោកព្រះកិត្តិនាមខ្ញុំខ្លាំងបំផុត! គួរឲ្យ​ខ្មាសអៀន​ណាស់​! អ្នកមិនចេះប្រមាណកំពស់ខ្លួនឯងទេ។ អ្នកពិតជាល្ងង់ខ្លៅ និងល្ងីល្ងើណាស់!

ព្រះបន្ទូលខ្ញុំកំពុងលាតត្រដាងអ្វីៗគ្រប់យ៉ាង​​ជាបន្តបន្ទាប់​។ តើវាអាចទេដែលថាអ្នក​នៅតែមិនអាចយល់បាន? តើអ្នកនៅតែមិនយល់ទៀត​មែន​ទេ​? តើអ្នកមានបំណងធ្វើឲ្យ​ខ្ញុំខកចិត្តឬ? ចូរលើកតម្កើងវិញ្ញាណរបស់អ្នក ហើយបង្កើននូវភាពក្លាហានរបស់អ្នក។ ខ្ញុំមិនធ្វើអាក្រក់ចំពោះមនុស្សដែលស្រ​ឡាញ់​ខ្ញុំសូម្បីតែម្នាក់។ ខ្ញុំពិនិត្យមើលជម្រៅខាងក្នុងបំផុតនៃដួងចិត្ដ​មនុស្ស​ ហើយខ្ញុំដឹងអ្វីៗទាំងអស់ដែលមាននៅក្នុងចិត្តរបស់មនុស្សទាំងអស់។ រឿងទាំងអស់នេះ នឹងត្រូវបានបង្ហាញម្តងមួយៗ ហើយខ្ញុំនឹងពិនិត្យរឿងទាំងអស់។ ខ្ញុំមិនដែលមើលរំលងអ្នកណាម្នាក់ដែលស្រឡាញ់ខ្ញុំពិតប្រាកដ​ទេ​។ ពួកគេទាំងអស់សុទ្ធតែជាអ្នកទទួលព្រះពរ ហើយជាក្រុមនៃបុត្រច្បងដែលខ្ញុំបានតែងតាំងជាស្តេច។ ចំពោះអ្នកដែលមិនស្រឡាញ់ខ្ញុំពិតប្រាកដ ពួកគេជាគោលដៅនៃការបោកបញ្ឆោតខ្លួនពួកគេ ហើយពួកគេនឹងរងទុក្ខលំបាក។ នេះក៏ត្រូវបានកំណត់ទុកជាមុនដោយខ្ញុំដែរ។ កុំ​បារម្ភ ខ្ញុំនឹងបង្ហាញពួកគេម្តងមួយៗ។ ខ្ញុំបានរៀបចំការងារនេះឲ្យ​បានល្អជាមុន ហើយខ្ញុំបានចាប់ផ្តើមធ្វើវារួចហើយ។ អ្វីៗទាំងអស់ត្រូវបានធ្វើដោយមានរបៀបរៀបរយ។ វាមិនមានភាពវឹកវរអ្វីទាំងអស់។ ខ្ញុំបានសម្រេច​រួចហើយថាអ្នកណាត្រូវជ្រើសរើសយក​ ហើយ​អ្នកណាត្រូវលះបង់​ចោល។ ម្តងមួយៗ ពួកគេទាំងអស់នឹងត្រូវបានបង្ហាញឱ្យអ្នករាល់គ្នា​បានឃើញ។ ក្នុងគ្រានោះ អ្នករាល់គ្នានឹងឃើញអ្វីដែលព្រះហស្ដខ្ញុំកំពុងធ្វើ។ មនុស្សទាំងអស់នឹងឃើញថាសេចក្តីសុចរិត និងភាពថ្កុំថ្កើងរបស់ខ្ញុំ មិនអនុញ្ញាតឲ្យ​មានការប្រព្រឹត្តខុស​ ឬការប្រឆាំង​ពីអ្នកណាឡើយ ហើយអ្នកដែលធ្វើខុសនឹងត្រូវទទួលទណ្ឌកម្មយ៉ាងធ្ងន់ធ្ងរ។

ខ្ញុំជាព្រះដែលស្វែងរកជម្រៅខាងក្នុងបំផុតនៃបេះដូងមនុស្សគ្រប់គ្នា។ កុំមើលខ្ញុំតែពីខាងក្រៅ។ អ្នកជាមនុស្សខ្វាក់! អ្នកមិនស្តាប់ព្រះបន្ទូលដែលខ្ញុំបានមានបន្ទូលយ៉ាង​ច្បាស់នោះទេ ហើយអ្នករាល់គ្នា ពិតជាមិនជឿខ្ញុំថាជាព្រះជាម្ចាស់​គ្រប់លក្ខណ៍​ដោយអង្គខ្ញុំនោះ​ទេ​។ ខ្ញុំពិតជានឹងមិនអត់ឱនឲ្យ​នរណាម្នាក់ដែលហ៊ានល្បួង​ខ្ញុំ ឬលាក់បាំងអ្វីពីខ្ញុំឡើយ។

តើអ្នកចងចាំព្រះបន្ទូលនីមួយៗរបស់ខ្ញុំទេ? «ការមើលឃើញខ្ញុំ គឺដូចគ្នានឹងការមើលឃើញរាល់អាថ៌កំបាំងដែលលាក់កំបាំងមកអស់កាលជាយួរ​ណាស់​មកហើយ​។» តើអ្នកបានពិចារណាអំពីសេចក្តីថ្លែងនេះដោយយកចិត្តទុកដាក់ទេ? ខ្ញុំជាព្រះជាម្ចាស់​ ហើយអាថ៌កំបាំងរបស់ខ្ញុំត្រូវបានបង្ហាញឲ្យ​អ្នករាល់គ្នាមើលឃើញ។ តើអ្នករាល់គ្នាមិនបានឃើញអាថ៌កំបាំងទេឬ? ហេតុអ្វីបានជាអ្នកមិនយកចិត្តទុកដាក់នឹងខ្ញុំ? ហើយហេតុអ្វីបានជាអ្នកគោរពបូជាព្រះដែលមិនច្បាស់​នៅ​ក្នុងចិត្តអ្នករាល់គ្នា​? តើខ្ញុំ ដែលជាព្រះពិតតែមួយអង្គនេះ​ អាចធ្វើអ្វីខុសបានយ៉ាងដូចម្តេច? ចូរយល់ឲ្យច្បាស់ពីរឿងនេះ​! ចូរប្រាកដចំពោះរឿងនេះ! គ្រប់បន្ទូល​ និងសកម្មភាពខ្ញុំគ្រប់បែបយ៉ាង និងគ្រប់សកម្មភាព ស្នាមញញឹម ការ​សោយ​អាហារ​ សម្លៀកបំពាក់របស់ខ្ញុំ អ្វីៗទាំងអស់ត្រូវបានធ្វើដោយព្រះជាម្ចាស់ព្រះអង្គផ្ទាល់។ អ្នករាល់គ្នាវិនិច្ឆ័យខ្ញុំ៖ តើអាច​ទៅរួចទេដែល​អ្នករាល់គ្នា​ធ្លាប់បាន​​ឃើញព្រះជាម្ចាស់ មុនពេលខ្ញុំមកដល់ដែរ​ទេ? បើមិនធ្លាប់ឃើញទេ ហេតុអ្វីបានជាអ្នកតែងតែធ្វើការប្រៀបធៀបផ្លូវចិត្តរវាងខ្ញុំ និងព្រះជាម្ចាស់របស់អ្នក? វាគឺជាផលនៃសញ្ញាណរបស់មនុស្សទាំងស្រុង! សកម្មភាព និងអាកប្បកិរិយារបស់ខ្ញុំ មិនត្រូវតាមការស្រមើ​ស្រមៃរបស់អ្នកទេ? ខ្ញុំមិនអនុញ្ញាតឲ្យ​មនុស្សណាម្នាក់ជ្រើសរើសថាតើសកម្មភាព និងអាកប្បកិរិយារបស់ខ្ញុំត្រឹមត្រូវឬអត់នោះទេ​។ ខ្ញុំជាព្រះពិតតែមួយអង្គ ហើយនេះគឺជាការពិត ​ឥត​ប្រែប្រួល​​ មិនអាច​ប្រកែកបាន! ចូរកុំធ្លាក់ខ្លួនរងគ្រោះដោយការបោកបញ្ឆោតរបស់ខ្លួនអ្នក។ ព្រះបន្ទូលរបស់ខ្ញុំបានចង្អុលបង្ហាញរឿងនេះយ៉ាង​ច្បាស់​លាស់បំផុត។ មិនមានលក្ខណៈពិសេសនៃមនុស្សជាតិនៅក្នុងអង្គខ្ញុំទេ។ គ្រប់យ៉ាង​ទាំង​អស់របស់ខ្ញុំ គឺជាព្រះអង្គខ្ញុំ ដែលបានបង្ហាញ​ឲ្យ​អ្នកស្គាល់ច្បាស់ ហើយមិនមានអ្វីដែលលាក់កំបាំងឡើយ!

ខាង​ដើម៖ ជំពូកទី ៦៤

បន្ទាប់៖ ជំពូកទី ៧២

តើយើងគួរអធិស្ឋានយ៉ាងដូចម្ដេច ដើម្បីឲ្យព្រះជាម្ចាស់ទ្រង់សណ្ដាប់? សូមទាក់ទងមកកាន់យើងខ្ញុំ ដើម្បីស្វែងរកដំណោះស្រាយ។

ខ្លឹមសារ​ពាក់ព័ន្ធ

តើអ្នកជឿគួរប្រកាន់យកទស្សនៈអ្វី

តើមនុស្សបានទទួលអ្វីចាប់តាំងពីពួកគេចាប់ផ្តើមជឿលើព្រះជាម្ចាស់ជាលើកដំបូង? តើអ្នកបានដឹងអ្វីខ្លះពីព្រះជាម្ចាស់? ដោយសារជំនឿរបស់អ្នកលើព្រះជាម្ចាស់...

អ្នកគួរតែស្ដាប់បង្គាប់ព្រះជាម្ចាស់ នៅក្នុងជំនឿដែលអ្នកជឿដល់ទ្រង់

ហេតុអ្វីបានជាអ្នកជឿលើព្រះជាម្ចាស់? មនុស្សភាគច្រើនត្រូវស្រឡាំង កាំង ដោយសារតែសំណួរនេះ។ ពួកគេតែងតែមានទស្សនៈពីរផ្ទុយគ្នាស្រឡះអំពីព្រះដ៏សកម្ម...

ការកំណត់

  • អត្ថបទ
  • ប្រធានបទ

ពណ៌​ដិតច្បាស់

ប្រធានបទ

ប្រភេទ​អក្សរ

ទំហំ​អក្សរ

ចម្លោះ​បន្ទាត់

ចម្លោះ​បន្ទាត់

ប្រវែងទទឹង​ទំព័រ

មាតិកា

ស្វែងរក

  • ស្វែង​រក​អត្ថបទ​នេះ
  • ស្វែង​រក​សៀវភៅ​នេះ