ជំពូកទី ៧០

ការដែលអាថ៌កំបាំងរបស់ខ្ញុំត្រូវបានបើកសម្ដែង ហើយបើកបង្ហាញយ៉ាងចំហ និងមិនលាក់បាំងតទៅទៀតនោះ គឺដោយសារតែព្រះគុណ និងសេចក្ដីមេត្តាករុណារបស់ខ្ញុំទាំងស្រុង។ ជាងនេះទៅទៀត ការដែលព្រះបន្ទូលរបស់ខ្ញុំលេចមកនៅក្នុងចំណោមមនុស្ស ហើយលែងត្រូវបានលាក់បាំងតទៅទៀត ក៏ជាព្រះគុណ និងសេចក្ដីមេត្តាករុណារបស់ខ្ញុំដែរ។ ខ្ញុំស្រឡាញ់អស់អ្នកដែលលះបង់ខ្លួនយ៉ាងស្មោះត្រង់ដើម្បីខ្ញុំ ហើយថ្វាយខ្លួនចំពោះខ្ញុំ។ ខ្ញុំស្អប់អស់អ្នកដែលបានកើតមកពីខ្ញុំ ប៉ុន្តែមិនស្គាល់ខ្ញុំ ហើយទាស់ទទឹងនឹងខ្ញុំទៀតផង។ ខ្ញុំនឹងមិនបោះបង់ចោលនរណាម្នាក់ដែលស្មោះត្រង់ចំពោះខ្ញុំទេ។ ផ្ទុយទៅវិញ ខ្ញុំនឹងធ្វើឱ្យព្រះពររបស់បុគ្គលនោះកើនឡើងទ្វេដង។ ខ្ញុំនឹងដាក់ទោសទ្វេដងចំពោះអស់អ្នកដែលរមិលគុណ ហើយខ្ញុំនឹងមិនឱ្យពួកគេរួចខ្លួនដោយងាយៗជាដាច់ខាត។ នៅក្នុងនគររបស់ខ្ញុំ គ្មានសេចក្ដីវៀចវេរ ឬសេចក្ដីបញ្ឆោត ហើយក៏គ្មានភាពជាលោកីយ៍ដែរ។ មានន័យថា គ្មានក្លិនរបស់មនុស្សស្លាប់ទេ។ ផ្ទុយទៅវិញ គ្រប់យ៉ាងគឺជាសេចក្ដីទៀងត្រង់ និងសេចក្ដីសុចរិត។ គ្រប់យ៉ាងគឺជាភាពសាមញ្ញ និងការបើកចំហទាំងស្រុង ដោយគ្មានអ្វីមួយលាក់បាំង ឬបិទបាំងឡើយ។ គ្រប់យ៉ាងគឺស្រស់ស្រាយ គ្រប់យ៉ាងគឺជាសេចក្ដីត្រេកអរ ហើយគ្រប់យ៉ាងគឺជាការស្អាងឡើង។ នរណាដែលនៅតែធំក្លិននៃមនុស្សស្លាប់ គឺគ្មានផ្លូវអាចនៅក្នុងនគររបស់ខ្ញុំបានទេ ហើយផ្ទុយទៅវិញ វានឹងត្រូវបានបំផ្លាញដោយដំបងដែករបស់ខ្ញុំ។ គ្រប់អាថ៌កំបាំងដែលគ្មានទីបញ្ចប់ទាំងអស់ ចាប់តាំងពីគ្រាដ៏យូរអង្វែងមកហើយ រហូតដល់ពេលបច្ចុប្បន្ននេះ គឺត្រូវបានបង្ហាញឱ្យដឹងយ៉ាងពេញលេញដល់អ្នករាល់គ្នា ពោលគឺក្រុមមនុស្សដែលត្រូវខ្ញុំទទួលបាននៅគ្រាចុងក្រោយ។ តើអ្នករាល់គ្នាមិនមានអារម្មណ៍ថា មានព្រះពរទេឬ? គ្រាដែលគ្រប់យ៉ាងត្រូវបានបើកសម្ដែងយ៉ាងចំហ ជាងនេះទៅទៀត គ្រាដែលអ្នករាល់គ្នាចែករំលែកការសោយរាជ្យរបស់ខ្ញុំ។

ក្រុមមនុស្សដែលពិតជាសោយរាជ្យជាស្ដេច គឺអាស្រ័យលើការកំណត់ទុកជាមុន និងការជ្រើសរើសរបស់ខ្ញុំ ហើយច្បាស់ជាគ្មានគំនិតរបស់មនុស្សណាម្នាក់នៅក្នុងក្រុមនេះទេ។ នរណាដែលហ៊ានចូលរួមនៅក្នុងក្រុមនេះ នឹងរងទុក្ខដោយការវាយពីព្រះហស្ដរបស់ខ្ញុំ ហើយមនុស្សបែបនេះនឹងក្លាយជាកម្មវត្ថុនៃភ្លើងដែលឆាបឆេះរបស់ខ្ញុំ។ នេះគឺជាចំហៀងមួយទៀតនៃសេចក្ដីសុចរិត និងឫទ្ធានុភាពរបស់ខ្ញុំ។ ខ្ញុំបានមានបន្ទូលថា ខ្ញុំត្រួតត្រារបស់សព្វសារពើ ខ្ញុំគឺជាព្រះជាម្ចាស់ដែលប្រកដោយព្រះប្រាជ្ញាញាណ ដែលកាន់កាប់សិទ្ធិអំណាចពេញលេញ ហើយខ្ញុំមិនអត់ឱនឱ្យនរណាម្នាក់ឡើយ។ ខ្ញុំគ្មានសេចក្ដីមេត្តាខាងព្រះសូរសៀងឡើយ ហើយពិតជាគ្មានមនោសញ្ចេតនាផ្ទាល់ខ្លួនឡើយ។ ខ្ញុំប្រព្រឹត្តដាក់នរណាម្នាក់ (មិនថាគេពូកែនិយាយប៉ុនណា ខ្ញុំនឹងមិនឱ្យគេរួចខ្លួនទេ) ដោយសេចក្ដីសុចរិត ភាពត្រឹមត្រូវ និងឫទ្ធានុភាពរបស់ខ្ញុំ ស្របពេលដែលធ្វើឱ្យគ្រប់គ្នាឃើញកាន់តែច្បាស់នូវភាពអស្ចារ្យនៃទង្វើរបស់ខ្ញុំ ក៏ដូចជាអត្ថន័យនៃទង្វើរបស់ខ្ញុំ។ ខ្ញុំបានដាក់ទោសវិញ្ញាណអាក្រក់ម្ដងមួយៗចំពោះសកម្មភាពគ្រប់ប្រភេទដែលពួកវាប្រព្រឹត្ត ដោយបោះពួកវាម្នាក់ៗទៅក្នុងជង្ហុកធំ។ ខ្ញុំបានបញ្ចប់កិច្ចការនេះនៅមុនពេលវេលាចាប់ផ្ដើម ដោយមិនទុកឱ្យពួកវាមានតួនាទី មិនទុកឱ្យពួកវាមានទីកន្លែងដើម្បីធ្វើកិច្ចការរបស់ពួកវាទេ។ គ្មាននរណាម្នាក់ក្នុងចំណោមរាស្ត្ររើសតាំងរបស់ខ្ញុំ គឺជាអស់អ្នកដែលត្រូវបានកំណត់ទុកជាមុន និងជ្រើសរើសដោយខ្ញុំ អាចមានវិញ្ញាណអាក្រក់ឡើយ ផ្ទុយទៅវិញ គេនឹងបរិសុទ្ធជានិច្ច។ ចំពោះអស់អ្នកដែលខ្ញុំមិនបានកំណត់ទុកជាមុន និងមិនបានជ្រើសរើស នោះខ្ញុំនឹងប្រគល់ពួកគេត្រឡប់ទៅឱ្យសាតាំងវិញ ហើយមិនអនុញ្ញាតឱ្យពួកគេនៅតទៅទៀតឡើយ។ បញ្ញត្តិរដ្ឋបាលរបស់ខ្ញុំចូលរួមជាមួយសេចក្ដីសុចរិត និងឫទ្ធានុភាពរបស់ខ្ញុំក្នុងគ្រប់ទិដ្ឋភាពទាំងអស់។ ខ្ញុំនឹងមិនឱ្យសូម្បីតែម្នាក់ក្នុងចំណោមអស់អ្នកដែលសាតាំងធ្វើការជាមួយរួចខ្លួនទេ ប៉ុន្តែខ្ញុំនឹងបោះពួកគេទៅជាមួយនឹងរូបកាយរបស់ពួកគេទៅក្នុងស្ថាននរក ដោយសារតែខ្ញុំស្អប់សាតាំង។ ខ្ញុំគ្មានផ្លូវនឹងលើកលែងឱ្យវាងាយៗឡើយ ប៉ុន្តែខ្ញុំនឹងបំផ្លាញវាទាំងស្រុង ដោយមិនអនុញ្ញាតឱ្យវាមានឱកាសធ្វើកិច្ចការរបស់វាសូម្បីតែបន្ដិចឡើយ។ អស់អ្នកដែលសាតាំងបានធ្វើឱ្យពុករលួយដល់កម្រិតជាក់លាក់មួយ (មានន័យថា អស់អ្នកដែលជាកម្មវត្ថុនៃគ្រោះមហន្តរាយ) គឺស្ថិតនៅក្រោមការរៀបចំដ៏ឆ្លាតវៃនៃព្រះហស្ដរបស់ខ្ញុំដោយផ្ទាល់។ ចូរកុំគិតថា ហេតុការណ៍បានកើតឡើងដោយសារភាពសាហាវរបស់សាតាំងឱ្យសោះ។ ចូរដឹងថា ខ្ញុំគឺជាព្រះជាម្ចាស់ដ៏មានគ្រប់ព្រះចេស្ដាដែលត្រួតត្រាលើពិភពលោក និងរបស់សព្វសារពើ! ចំពោះខ្ញុំ គ្មានបញ្ហាណាដែលមិនអាចដោះស្រាយបាននោះឡើយ ហើយជាងនេះទៅទៀត គឺគ្មានអ្វីមួយដែលមិនអាចសម្រេចបាន ឬព្រះបន្ទូលណាមួយដែលមិនអាចថ្លែងចេញឡើយ។ មនុស្សមិនត្រូវប្រព្រឹត្តដូចជាទីប្រឹក្សារបស់ខ្ញុំឡើយ។ ចូរដឹងអំពីការត្រូវវាយផ្ដួលដោយសារព្រះហស្ដរបស់ខ្ញុំ និងការបោះចូលទៅក្នុងស្ថាននរក។ ខ្ញុំសូមមានបន្ទូលប្រាប់អ្នកដូចនេះ! អស់អ្នកណាដែលសហការជាមួយខ្ញុំយ៉ាងបុរេសកម្មនៅថ្ងៃនេះ គឺជាអ្នកដែលឆ្លាតបំផុត ហើយពួកគេនឹងជៀសផុតពីការបាត់បង់ ហើយគេចផុតពីការឈឺចាប់នៃការជំនុំជម្រះ។ ទាំងអស់នេះគឺជាការរៀបចំរបស់ខ្ញុំ ដែលខ្ញុំបានកំណត់ទុកជាមុន។ ចូរកុំថ្លែងអ្វីដែលលាក់បាំង ហើយចូរកុំនិយាយបំផ្លើស ដោយគិតថាអ្នកអស្ចារ្យនោះឡើយ។ តើទាំងអស់នេះមិនមែនតាមរយៈការកំណត់ទុកជាមុនរបស់ខ្ញុំទេឬ? អ្នកដែលអាចក្លាយជាទីប្រឹក្សារបស់ខ្ញុំ មិនស្គាល់ភាពអាម៉ាស់ឡើយ! អ្នកមិនស្គាល់កម្ពស់ខ្លួនឯងទេ។ វាពិតជាតូចគួរឱ្យអាណិតណាស់! ទោះបីជាបែបនោះក៏ដោយ ក៏អ្នកគិតថា នេះមិនមែនជាបញ្ហាធំដុំនោះទេ ហើយអ្នកក៏មិនស្គាល់ខ្លួនឯងដែរ។ អ្នករាល់គ្នាបែរត្រចៀកដ៏ថ្លង់មករកព្រះបន្ទូលរបស់ខ្ញុំម្ដងហើយម្ដងទៀត ដោយបណ្ដាលឱ្យការប្រឹងប្រែងដ៏ផ្ចិតផ្ចង់របស់ខ្ញុំឥតប្រយោជន៍ ហើយមិនដឹងទាល់តែសោះថា ពួកវាគឺជាការបើកបង្ហាញពីព្រះគុណ និងសេចក្ដីមេត្តាករុណារបស់ខ្ញុំ។ ផ្ទុយទៅវិញ អ្នកព្យាយាមសម្ញែងភាពឆ្លាតវៃផ្ទាល់ខ្លួនរបស់អ្នកម្ដងហើយម្ដងទៀត។ តើអ្នកចងចាំរឿងនេះទេ? អស់អ្នកដែលគិតថាពួកគេឆ្លាត តើពួកគេទទួលការវាយផ្ចាលដូចម្ដេច? មិនអើពើ និងមិនស្មោះត្រង់ចំពោះព្រះបន្ទូលរបស់ខ្ញុំ ហើយមិនឆ្លាក់ពួកវាទៅក្នុងបេះដូងរបស់អ្នក នោះអ្នកប្រើប្រាស់ខ្ញុំជាពុតត្បុតដើម្បីធ្វើការនេះ និងការនោះហើយ។ មនុស្សអាក្រក់អើយ! ពេលណាទើបអ្នកអាចគិតគូរយ៉ាងពេញលេញពីព្រះទ័យរបស់ខ្ញុំ? អ្នកគ្មានការគិតគូរចំពោះវាទាល់តែសោះ ដូច្នេះហើយ ការហៅអ្នកថា «មនុស្សអាក្រក់» មិនមែនជាការធ្វើទុក្ខទោសដល់អ្នករាល់គ្នាទេ។ វាសក្ដិសមជាមួយអ្នកឥតខ្ចោះ!

បច្ចុប្បន្ននេះ ខ្ញុំកំពុងតែបង្ហាញអ្នករាល់គ្នាម្ដងមួយៗ នូវអ្វីៗដែលធ្លាប់តែត្រូវបានលាក់បាំង។ សត្វនាគដ៏ធំមានសម្បុរក្រហម គឺត្រូវបានបោះទៅក្នុងជង្ហុកធំ ហើយត្រូវបានបំផ្លាញទាំងស្រុង ព្រោះថា ការរក្សាវាទុកនឹងគ្មានប្រយោជន៍អ្វីទាល់តែសោះ។ នេះមានន័យថា វាមិនអាចបម្រើព្រះគ្រីស្ទបានទេ។ ពីនេះតទៅ អ្វីៗដែលក្រហមនឹងលែងមានតទៅទៀត។ ពួកវាត្រូវតែបោះចោលទៅជាភាពទទេបន្ដិចម្ដងៗ។ ខ្ញុំធ្វើនូវអ្វីដែលខ្ញុំមានបន្ទូល។ នេះគឺជាការបញ្ចប់នៃកិច្ចការរបស់ខ្ញុំ។ ចូរយកសញ្ញាណរបស់មនុស្សចេញ។ គ្រប់យ៉ាងដែលខ្ញុំបានមានបន្ទូល គឺខ្ញុំបានធ្វើ។ នរណាក៏ដោយដែលព្យាយាមធ្វើជាមនុស្សឆ្លាត គឺបានត្រឹមតែនាំការបំផ្លាញ និងសេចក្ដីមើលងាយមកដាក់ខ្លួនឯងប៉ុណ្ណោះ ហើយគេមិនចង់រស់នៅទេ។ ដូច្នេះហើយ ខ្ញុំនឹងបំពេញចិត្តអ្នក ហើយខ្ញុំនឹងច្បាស់ជាមិនរក្សាទុកមនុស្សបែបនេះទេ។ ពីនេះតទៅ ចំនួនប្រជាជននឹងកើនឡើយយ៉ាងគំហុក ស្របពេលដែលអស់អ្នកដែលមិនសហការជាមួយខ្ញុំយ៉ាងបុរេសកម្ម នឹងត្រូវបានផាត់ចេញទៅជាភាពទទេសូន្យ។ អស់អ្នកដែលខ្ញុំបានយល់ព្រម គឺជាអ្នកដែលខ្ញុំនឹងធ្វើឱ្យគ្រប់លក្ខណ៍ ហើយខ្ញុំនឹងមិនបោះចោលម្នាក់ណាឡើយ។ នឹងគ្មានភាពផ្ទុយណាមួយចំពោះអ្វីដែលខ្ញុំមានបន្ទូលទេ។ អស់អ្នកដែលមិនសហការជាមួយខ្ញុំយ៉ាងបុរេសកម្ម នឹងរងទុក្ខដោយការវាយផ្ចាលកាន់តែច្រើន ទោះបីជានៅទីបំផុត ខ្ញុំនឹងច្បាស់ជាសង្គ្រោះពួកគេក៏ដោយ។ ទោះបីជាយ៉ាងណាក៏ដោយ ត្រឹមពេលនោះ រយៈពេលនៃអាយុរបស់ពួកគេនឹងខុសគ្នាខ្លះដែរ។ តើអ្នកចង់ក្លាយជាមនុស្សបែបនេះទេ? ចូរក្រោកឡើង ហើយសហការជាមួយខ្ញុំ! ខ្ញុំប្រាកដជានឹងមិនប្រព្រឹត្តយ៉ាងអយុត្តិធម៌ចំពោះនរណាម្នាក់ដែលលះបង់ខ្លួនយ៉ាងស្មោះត្រង់ដើម្បីខ្ញុំឡើយ។ អ្នកដែលថ្វាយខ្លួនដល់ខ្ញុំដោយស្មោះអស់ពីចិត្ត ខ្ញុំនឹងប្រទានព្រះពរទាំងអស់របស់ខ្ញុំដល់អ្នក។ ចូរថ្វាយខ្លួនអ្នកទាំងស្រុងដល់ខ្ញុំ! អ្វីដែលអ្នកហូប អ្វីដែលអ្នកស្លៀកពាក់ និងអនាគតរបស់អ្នក គឺសុទ្ធតែស្ថិតនៅក្នុងព្រះហស្ដរបស់ខ្ញុំ។ ខ្ញុំនឹងរៀបចំរឿងទាំងអស់នេះឱ្យបានត្រឹមត្រូវ ដោយឱ្យអ្នកអាចរីករាយដោយគ្មានទីបញ្ចប់ និងមានការផ្គត់ផ្គង់ដែលមិនចេះអស់។ នេះគឺដោយសារតែខ្ញុំបានមានបន្ទូលថា៖ «អ្នកដែលលះបង់ខ្លួនដើម្បីខ្ញុំដោយស្មោះត្រង់ ខ្ញុំប្រាកដជានឹងប្រទានព្រះពរដល់អ្នក យ៉ាងធំធេង»។ ព្រះពរទាំងអស់នឹងមករកមនុស្សម្នាក់ៗដែលលះបង់ខ្លួនដើម្បីខ្ញុំយ៉ាងស្មោះត្រង់។

ខាង​ដើម៖ ជំពូកទី ៦៩

បន្ទាប់៖ ជំពូកទី ៧១

គ្រោះមហន្តរាយបានកំពុងកើតឡើងជាបន្តបន្ទាប់នៅគ្រប់ទីកន្លែងកណ្តឹងរោទិ៍នៃគ្រាចុងក្រោយបានបន្លឺឡើងរួចហើយ។ សូមចុចលើប៊ូតុង ដើម្បីជួយអ្នកនិងក្រុមគ្រួសាររកឃើញវិធីទទួលបានការការពារពីព្រះជាម្ចាស់ នៅក្នុងគ្រោះមហន្តរាយ។

ការលេចមក និងកិច្ចការរបស់ព្រះជាម្ចាស់ អំពីការស្គាល់ព្រះជាម្ចាស់ ការថ្លែងព្រះបន្ទូលអំពីព្រះគ្រីស្ទនៃគ្រាចុងក្រោយ ការលាតត្រដាងពួកទទឹងនឹងព្រះគ្រីស្ទ ទំនួលខុសត្រូវរបស់អ្នកដឹកនាំ និងអ្នកធ្វើការ អំពីការដេញតាមសេចក្តីពិត អំពីការដេញតាមសេចក្តីពិត ការជំនុំជម្រះ ចាប់ផ្ដើមពីដំណាក់របស់ព្រះជាម្ចាស់ ព្រះបន្ទូលដ៏សំខាន់ចេញពីព្រះដ៏មានគ្រប់ព្រះចេស្ដា ជាព្រះគ្រីស្ទនៃគ្រាចុងក្រោយ ព្រះបន្ទូលប្រចាំថ្ងៃរបស់ព្រះជាម្ចាស់ គោលការណ៍ណែនាំសម្រាប់ការផ្សាយដំណឹងល្អពីនគរព្រះ ទីបន្ទាល់ទាំងឡាយអំពីបទពិសោធនៅចំពោះទីជំនុំជម្រះរបស់ព្រះគ្រីស្ទ (វគ្គទី១) ទីបន្ទាល់ទាំងឡាយអំពីបទពិសោធនៅចំពោះទីជំនុំជម្រះរបស់ព្រះគ្រីស្ទ (វគ្គទី២) ទីបន្ទាល់ទាំងឡាយអំពីបទពិសោធនៅចំពោះទីជំនុំជម្រះរបស់ព្រះគ្រីស្ទ (វគ្គទី៣) ទីបន្ទាល់ទាំងឡាយអំពីបទពិសោធនៅចំពោះទីជំនុំជម្រះរបស់ព្រះគ្រីស្ទ (វគ្គទី៤) ទីបន្ទាល់ទាំងឡាយអំពីបទពិសោធនៅចំពោះទីជំនុំជម្រះរបស់ព្រះគ្រីស្ទ (វគ្គទី៥) ទីបន្ទាល់ទាំងឡាយអំពីបទពិសោធនៅចំពោះទីជំនុំជម្រះរបស់ព្រះគ្រីស្ទ (វគ្គទី៦) ទីបន្ទាល់ទាំងឡាយអំពីបទពិសោធនៅចំពោះទីជំនុំជម្រះរបស់ព្រះគ្រីស្ទ (វគ្គទី៧) ទីបន្ទាល់ទាំងឡាយអំពីបទពិសោធនៅចំពោះទីជំនុំជម្រះរបស់ព្រះគ្រីស្ទ (វគ្គទី៨) ទីបន្ទាល់ទាំងឡាយអំពីបទពិសោធនៅចំពោះទីជំនុំជម្រះរបស់ព្រះគ្រីស្ទ (វគ្គទី៩)

ការកំណត់

  • អត្ថបទ
  • ប្រធានបទ

ពណ៌​ដិតច្បាស់

ប្រធានបទ

ប្រភេទ​អក្សរ

ទំហំ​អក្សរ

ចម្លោះ​បន្ទាត់

ចម្លោះ​បន្ទាត់

ប្រវែងទទឹង​ទំព័រ

មាតិកា

ស្វែងរក

  • ស្វែង​រក​អត្ថបទ​នេះ
  • ស្វែង​រក​សៀវភៅ​នេះ

សូមទាក់ទងមកកាន់យើងខ្ញុំ តាមរយៈ Messenger