ជំពូកទី ៣៩

ចូរបើកភ្នែកមើលចុះ នោះអ្នកអាចឃើញពីព្រះចេស្ដាដ៏អស្ចារ្យរបស់ខ្ញុំនៅគ្រប់ទីកន្លែងមិនខាន! អ្នកអាចដឹងយ៉ាងប្រាកដអំពីខ្ញុំនៅគ្រប់ទីកន្លែង។ ចក្រវាឡ និងផ្ទៃមេឃកំពុងតែផ្សាយអំពីព្រះចេស្ដាដ៏អស្ចារ្យរបស់ខ្ញុំ។ ព្រះបន្ទូលដែលខ្ញុំបានថ្លែង បានក្លាយជាការពិតនៅក្នុងការឡើងកម្ដៅនៃអាកាសធាតុ នៅក្នុងការប្រែប្រួលបរិយាកាស នៅក្នុងភាពខុសប្រក្រតីខាងក្នុងមនុស្ស នៅក្នុងភាពគ្មានសណ្ដាប់ធ្នាប់នៃកម្លាំងសង្គម និងនៅក្នុងការបោកបញ្ឆោតខាងក្នុងដួងចិត្តរបស់មនុស្ស។ ព្រះអាទិត្យជះពន្លឺពណ៌ស ឯព្រះច័ន្ទវិញជះពន្លឺពណ៌ក្រហម។ អ្វីៗទាំងអស់នេះគឺគ្មានតុល្យភាពឡើយ។ តើអ្នករាល់គ្នានៅតែមើលមិនឃើញរឿងទាំងនេះទៀតឬ?

ព្រះចេស្ដាដ៏អស្ចារ្យរបស់ព្រះជាម្ចាស់ត្រូវបានបើកសម្ដែងនៅខាងក្នុង។ ដោយគ្មានអ្វីដែលត្រូវសង្ស័យ ព្រះអង្គគឺជាព្រះដ៏ពិតតែមួយអង្គ ជាព្រះដ៏មានព្រះចេស្ដា ដែលមនុស្សបានដេញតាមអស់រយៈពេលជាច្រើនឆ្នាំ! តើនរណាអាចនាំការទាំងនេះឲ្យក្លាយជារូបរាង ដោយគ្រាន់តែថ្លែងព្រះបន្ទូលទៅ? គឺមានតែព្រះដ៏មានគ្រប់ព្រះចេស្ដារបស់យើងមួយអង្គប៉ុណ្ណោះ។ នៅពេលដែលទ្រង់មានបន្ទូលភ្លាមៗ សេចក្តីពិតក៏លេចមក។ តើអ្នកមិនអាចនិយាយថា ទ្រង់ជាព្រះដ៏ពិតម្ដេចកើតទៅ?

នៅក្នុងជម្រៅចិត្ត ខ្ញុំដឹងថា អ្នករាល់គ្នាព្រមសហការជាមួយខ្ញុំ ហើយខ្ញុំជឿថា ពួកអ្នករើសតាំងរបស់ខ្ញុំ បងប្អូនប្រុសស្រីជាទីស្រឡាញ់របស់ខ្ញុំ សុទ្ធតែមានសេចក្តីបណ្ដាលចិត្តបែបនេះ គ្រាន់តែពួកគេមិនអាចចូល ឬមិនអាចអនុវត្តបាន និងមិនអាចបន្តរក្សាចិត្តស្ងប់បានប៉ុណ្ណោះ នៅពេលដែលជួបហេតុការណ៍នៃភាពជាក់ស្ដែង។ អ្នកមិនដែលយកចិត្តទុកដាក់ចំពោះបំណងព្រះហឫទ័យរបស់ព្រះជាម្ចាស់ឡើយ ហើយអ្នកទុកផលប្រយោជន៍ផ្ទាល់ខ្លួនរបស់អ្នកជាទីមួយ ព្រមទាំងប្រព្រឹត្តតាមចិត្តរបស់ខ្លួន ដោយមិនបានរង់ចាំទេ។ សូមអនុញ្ញាតឲ្យខ្ញុំប្រាប់អ្នករាល់គ្នាថា ការធ្វើបែបនេះនឹងមិនបំពេញតាមបំណងព្រះហឫទ័យរបស់ខ្ញុំឡើយ! ឱក្មេងអើយ! ចូរគ្រាន់តែថ្វាយដួងចិត្តរបស់អ្នកមកខ្ញុំទាំងស្រុងចុះ។ ត្រូវដឹងឲ្យច្បាស់ថា ខ្ញុំមិនចង់បានលុយ និងទ្រព្យសម្បត្តិរបស់អ្នកទេ ហើយខ្ញុំក៏មិនឲ្យអ្នកចូលមកបម្រើខ្ញុំយ៉ាងស្លុង បោកបញ្ឆោត ឬចិត្តចង្អៀតបែបនេះដែរ។ ចូរស្ងប់ចិត្ត និងមានដួងចិត្តបរិសុទ្ធ ចូររង់ចាំ និងស្វែងរក នៅពេលដែលជួបបញ្ហា នោះខ្ញុំនឹងប្រទានចម្លើយដល់អ្នក។ កុំសង្ស័យឡើយ! ហេតុអ្វីបានជាអ្នកមិនជឿថា ព្រះបន្ទូលខ្ញុំនឹងក្លាយជាការពិត? ហេតុអ្វីបានជាអ្នកមិនអាចជឿលើព្រះបន្ទូលរបស់ខ្ញុំ? អ្នករឹងចចេសណាស់ ហើយសូម្បីតែនៅពេលបែបនេះ ក៏អ្នកនៅតែរឹងចចេសកើតទៀត។ អ្នកល្ងិតល្ងង់ណាស់ ហើយនៅមិនព្រមទទួលការបំភ្លឺទៀត! តើមានសេចក្តីពិតសំខាន់ប៉ុន្មានហើយដែលអ្នករាល់គ្នាចងចាំនោះ? តើអ្នកធ្លាប់បានដកពិសោធន៍សេចក្តីពិតនោះហើយឬនៅ? អ្នកបានច្របូកច្របល់ ហើយប្រព្រឹត្តដោយមិនបានគិតគូរនិងតក់ក្រហល់ នៅពេលដែលជួបបញ្ហា! រឿងចម្បងនៅថ្ងៃនេះគឺថា អ្នកត្រូវចូលក្នុងវិញ្ញាណ និងប្រកបគ្នាជាមួយខ្ញុំឲ្យបានច្រើន ដូចការដែលដួងចិត្តរបស់អ្នករាល់គ្នាសញ្ជឹងគិតជាញឹកញាប់លើសំណួរផងដែរ។ តើអ្នកយល់ដែរឬទេ? នេះហើយជាគន្លឹះនោះ! តាមពិតទៅ ការពន្យារពេលក្នុងការអនុវត្តគឺជាបញ្ហាមួយ។ ចូរប្រញាប់ឡើង កុំពន្យារពេលឡើយ! មនុស្សដែលស្ដាប់ឮព្រះបន្ទូលរបស់ខ្ញុំ ហើយមិនពន្យារពេល តែអនុវត្តតាមព្រះបន្ទូលទាំងនោះភ្លាមៗ នឹងទទួលបានព្រះពរទាំងមេៗមិនខាន! ខ្ញុំនឹងប្រទានដល់អ្នករាល់គ្នាចំនួនទ្វេដង! កុំបារម្ភឡើយ! ចូរធ្វើតាមអ្វីដែលខ្ញុំមានបន្ទូល ដោយមិនពន្យារពេលសូម្បីតែមួយវិនាទីឡើយ! សញ្ញាណជាមនុស្សរបស់អ្នករាល់គ្នា ជារឿយៗគឺបែបនេះឯង ហើយអ្នកមានទំនោរទុកចោលការងារ តែងតែពន្យារពេលអ្វីដែលអ្នកគួរតែធ្វើនៅថ្ងៃនេះ ទៅធ្វើនៅថ្ងៃស្អែកវិញ។ ពិតជាខ្ជិលច្រអូស និងឆ្គាំឆ្គងណាស់! រកអ្វីមកថ្លែងមិនត្រូវទេ! ខ្ញុំមិនមែនកំពុងតែនិយាយបំផ្លើសឡើយ។ នេះគឺជាការពិត។ បើអ្នកមិនជឿទេ សាកពិនិត្យមើលខ្លួនឯងយ៉ាងប្រុងប្រយ័ត្ន និងឆែកមើលស្ថានភាពរបស់អ្នកផ្ទាល់ចុះ នោះអ្នកនឹងរកឃើញថា វាពិតជាបែបនេះមែន!

ខាង​ដើម៖ ជំពូកទី ៣៨

បន្ទាប់៖ ជំពូកទី ៤០

តើយើងគួរអធិស្ឋានយ៉ាងដូចម្ដេច ដើម្បីឲ្យព្រះជាម្ចាស់ទ្រង់សណ្ដាប់? សូមទាក់ទងមកកាន់យើងខ្ញុំ ដើម្បីស្វែងរកដំណោះស្រាយ។

ខ្លឹមសារ​ពាក់ព័ន្ធ

អំពីបទពិសោធន៍

តាមរយៈបទពិសោធន៍របស់ពេត្រុស គាត់បានឆ្លងកាត់ ការល្បងលរាប់រយដងមកហើយ។ បើទោះបីជាមនុស្សសព្វថ្ងៃ នេះដឹងអំពីពាក្យថា «ការល្បងល» ក៏ពួកគេនៅតែយល់ច្រឡំ...

យកចិត្តទុកដាក់បន្ថែមលើតថភាព

មនុស្សគ្រប់រូបអាចក្លាយជាមនុស្សគ្រប់លក្ខណ៍ដោយសារព្រះជាម្ចាស់ ដូច្នេះហើយ គ្រប់គ្នាគួរតែយល់ថា ការបម្រើព្រះបែបណាសមស្របបំផុតនឹងព្រះហឫទ័យទ្រង់។...

តើអ្នកជឿគួរប្រកាន់យកទស្សនៈអ្វី

តើមនុស្សបានទទួលអ្វីចាប់តាំងពីពួកគេចាប់ផ្តើមជឿលើព្រះជាម្ចាស់ជាលើកដំបូង? តើអ្នកបានដឹងអ្វីខ្លះពីព្រះជាម្ចាស់? ដោយសារជំនឿរបស់អ្នកលើព្រះជាម្ចាស់...

ការកំណត់

  • អត្ថបទ
  • ប្រធានបទ

ពណ៌​ដិតច្បាស់

ប្រធានបទ

ប្រភេទ​អក្សរ

ទំហំ​អក្សរ

ចម្លោះ​បន្ទាត់

ចម្លោះ​បន្ទាត់

ប្រវែងទទឹង​ទំព័រ

មាតិកា

ស្វែងរក

  • ស្វែង​រក​អត្ថបទ​នេះ
  • ស្វែង​រក​សៀវភៅ​នេះ