ជំពូកទី ៩៣

ភាពពិតសម្រេចទៅបាននៅចំពោះភ្នែករបស់មនុស្ស ហើយរបស់គ្រប់យ៉ាងទាំងអស់ បានសម្រេចរួចជាស្រេចហើយ។ ជំហាននៃកិច្ចការរបស់ខ្ញុំ កាន់តែលឿន កាន់តែខ្ពស់ឡើង ដូចជាកាំជ្រូចដែលបាញ់ចេញទៅ។ គ្មាននរណាម្នាក់ដែលធ្លាប់រំពឹងទុកបែបនេះទេ។ បន្ទាប់ពីរឿងរ៉ាវបានកើតឡើងរួចហើយប៉ុណ្ណោះ ទើបអ្នករាល់គ្នានឹងដឹងអំពីអត្ថន័យពិតប្រាកដនៃព្រះបន្ទូលរបស់ខ្ញុំបាន។ កូនចៅរបស់សត្វនាគដ៏ធំមានសម្បុរក្រហម មិនត្រូវបានលើកលែងឡើយ ហើយពួកគេត្រូវធ្វើបើកឱ្យឃើញពីកិច្ចការដ៏អស្ចារ្យរបស់ខ្ញុំដោយផ្ទាល់ភ្នែករបស់ពួកគេ។ ចូរកុំគិតថា ដោយសារអ្នកស្គាល់ខ្ញុំច្បាស់បន្ទាប់ពីបានឃើញកិច្ចការរបស់ខ្ញុំ ហើយខ្ញុំនឹងមិនលះបង់អ្នកចោលនោះ។ វាមិនងាយស្រួលដូច្នេះទេ! ខ្ញុំប្រាកដជានឹងបំពេញតាមព្រះបន្ទូលដែលខ្ញុំបានថ្លែងមក និងហេតុការណ៍ដែលខ្ញុំបានសម្រេចព្រះទ័យរួច ហើយវានឹងមិនត្រឡប់មកខ្ញុំវិញដោយអសារឥតការនោះទេ។ នៅក្នុងប្រទេសចិន ក្រៅពីពួកជនភាគតិចដែលជាពួកកូនប្រុសច្បងរបស់ខ្ញុំ ក៏មានមនុស្សមួយចំនួនទៀតដែលជារាស្រ្តខ្ញុំដែរ។ ដូច្នេះសព្វថ្ងៃនេះ ខ្ញុំមានព្រះបន្ទូលច្បាស់ៗជាមួយអ្នករាល់គ្នា (កូនចៅរបស់សត្វនាគដ៏ធំមានសម្បុរក្រហម ដែលបានធ្វើទុក្ខបុកម្នេញខ្ញុំយ៉ាងខ្លាំងបំផុត) ថា អ្នករាល់គ្នាមិនត្រូវប្រកាន់ខ្ជាប់តាមក្ដីសង្ឃឹមធំធេងណាមួយឡើយ ហើយការផ្ដោតជាសំខាន់នៃកិច្ចរបស់ខ្ញុំ (ចាប់តាំងពីការបង្កើតលោកីយ៍មក) តែងស្ថិតនៅលើពួកកូនប្រុសច្បងរបស់ខ្ញុំ និងនៅលើជាតិសាសន៍ជាច្រើនក្រៅពីប្រទេសចិន។ សម្រាប់មូលហេតុនេះ នៅពេលដែលពួកកូនប្រុសច្បងរបស់ខ្ញុំបានធំធាត់ហើយ នោះបំណងព្រះហឫទ័យរបស់ខ្ញុំក៏បានសម្រេចដែរ។ (នៅពេលណាដែលពួកកូនប្រុសច្បងរបស់ខ្ញុំបានធំឡើង គ្រប់សព្វសារពើទាំងអស់នឹងត្រូវបានបញ្ចប់ ដ្បិតកិច្ចការនៅខាងពេលមុខ ត្រូវប្រគល់ទៅឱ្យពួកគេ។) ពេលនេះខ្ញុំអនុញ្ញាតឱ្យមនុស្សទាំងនេះឃើញអំពីចំណែកនៃកិច្ចការដ៏អស្ចារ្យរបស់ខ្ញុំ គឺគ្រាន់តែដើម្បីឱ្យសត្វនាគដ៏ធំមានសម្បុរក្រហមអាម៉ាស់មុខប៉ុណ្ណោះ។ មនុស្សទាំងអស់នេះ មិនត្រឹមតែអាចមានសេចក្ដីរីករាយនៅក្នុងកិច្ចការនោះបានទេ ប៉ុន្តែក៏អរសប្បាយដែលពួកគេអាចបម្រើដល់ខ្ញុំបានផងដែរ។ ហើយពួកគេគ្មានជម្រើសអ្វីឡើយ ដ្បិតខ្ញុំមានបញ្ញត្តិរដ្ឋបាលរបស់ខ្ញុំ ហើយគ្មាននរណាម្នាក់ហ៊ានល្មើសនឹងបញ្ញត្តិរដ្ឋបាលទាំងនេះឡើយ។

ពេលនេះ ខ្ញុំនឹងប្រកបអំពីស្ថានការណ៍មួយចំនួន ដែលពាក់ព័ន្ធនឹងការចូលមករបស់ជនបរទេស ដើម្បីឱ្យអ្នករាល់គ្នាអាចដឹងបានជាមុន បានត្រៀមទុកអ្វីៗឱ្យបានត្រឹមត្រូវ ដើម្បីធ្វើបន្ទាល់អំពីព្រះនាមរបស់ខ្ញុំ និងទៅឈរនៅពីលើពួកគេ និងត្រួតត្រាពួកគេ។ (ខ្ញុំមានបន្ទូលថា «ឈរនៅពីលើពួកគេ និងត្រួតត្រាពួកគេ» ដោយសារពួកអ្នកមានអំណាចធំនៅក្នុងចំណោមពួកគេ ក៏នៅតែជាអ្នកតូចទាបនៅក្នុងចំណោមអ្នករាល់គ្នាដែរ។) មនុស្សទាំងអស់នេះ បានទទួលនូវការបើកសម្ដែងពីព្រះវិញ្ញាណបរិសុទ្ធ ហើយនៅពេលអនាគត ពួកគេនឹងប្រមូលផ្ដុំគ្នានៅក្នុងប្រទេសចិន ប្រៀបដូចជាមានការរៀបចំទុកជាមុនអ៊ីចឹង។ សត្វនាគដ៏ធំមានសម្បុរក្រហម ត្រូវបានដកចេញទាំងមិនដឹងខ្លួន និងព្យាយាមយ៉ាងខ្លាំងដើម្បីតតាំង ប៉ុន្តែចូរចាំរឿងមួយ! ផែនការគ្រប់គ្រងរបស់ខ្ញុំ បានសម្រេចទាំងស្រុងរួចទៅហើយ ហើយគ្មានអ្វីមួយ និងគ្មានមនុស្សណាម្នាក់ហ៊ានបង្អាក់ជំហានរបស់ខ្ញុំឡើយ។ ខ្ញុំប្រទាននូវការបើកសម្ដែងនេះដល់ពួកគេនៅគ្រប់ពេលទាំងអស់ ហើយពួកគេប្រព្រឹត្តទៅតាមសេចក្ដីណែនាំរបស់ព្រះវិញ្ញាណបរិសុទ្ធ។ ប្រាកដណាស់ ពួកគេនឹងមិនរងទុក្ខជាបាវបម្រើរបស់សត្វនាគដ៏ធំមានសម្បុរក្រហមឡើយ ដ្បិតនៅក្នុងរូបអង្គខ្ញុំ អ្វីគ្រប់យ៉ាងត្រូវបើកសម្ដែងឱ្យឃើញ និងត្រូវបានដោះលែងឱ្យបានសេរីភាព។ ខ្ញុំបានរៀបចំអ្វីគ្រប់យ៉ាងទៅតាមលក្ខណៈសមស្រប ដោយរង់ចាំឱ្យអ្នករាល់គ្នាធ្វើការដែលបានព្រៀងទុករួច ដើម្បីឃ្វាលពួកគេ។ ខ្ញុំបានមានព្រះបន្ទូលជាយូរមកហើយ ប៉ុន្តែអ្នករាល់គ្នាភាគច្រើន នៅតែជឿត្រឹមតែពាក់កណ្ដាលដដែល។ ចុះចំណែកពេលនេះវិញ? អ្នករាល់គ្នាមានការភ្ញាក់ផ្អើលខ្លាំងណាស់មែនទេ?

អ្វីទាំងអស់នេះសុទ្ធតែជារឿងបន្ទាប់បន្សំទេ។ រឿងដែលសំខាន់នោះគឺការបំពេញកិច្ចការរបស់អ្នករាល់គ្នាដែលបានរៀបចំទុកមកនោះ ឱ្យបានចប់សព្វគ្រប់ឱ្យបានឆាប់។ ចូរកុំភ័យខ្លាចអី។ ព្រះជាម្ចាស់ដែលបំពេញកិច្ចការនោះគឺជារូបខ្ញុំ ហើយនៅពេលដែលពេលវេលានោះបានមកដល់ ខ្ញុំនឹងបំពេញកិច្ចការរបស់ខ្ញុំដោយខ្លួនឯង។ ខ្ញុំបានវាយបំបែកសត្វនាគដ៏ធំមានសម្បុរក្រហមជាបំណែកៗ។ នេះគឺចង់បានន័យថា ព្រះវិញ្ញាណរបស់ខ្ញុំត្រូវបានដកចេញពីមនុស្សគ្រប់គ្នា ចេញពីពួកកូនប្រុសច្បងរបស់ខ្ញុំ (ហើយពេលនេះ វាងាយស្រួលនឹងបើកសម្ដែងឱ្យឃើញថា តើនរណាជាកូនចៅរបស់សត្វនាគដ៏ធំមានសម្បុរក្រហមនោះ)។ មនុស្សទាំងអស់នេះ បានបំពេញកិច្ចការសម្រាប់ខ្ញុំរួចហើយ ហើយខ្ញុំនឹងបញ្ជូនពួកគេត្រឡប់ទៅជង្ហុកធំវិញ។ (នេះមានន័យថា ខ្ញុំនឹងមិនប្រើពួកគេណាម្នាក់ឡើយ។ ចាប់ពីពេលនេះតទៅ ពួកកូនប្រុសច្បងរបស់ខ្ញុំនឹងត្រូវបើកសម្ដែងឱ្យឃើញទាំងស្រុង ហើយអស់អ្នកណាដែលនៅខាងខ្ញុំ និងអ្នកដែលស័ក្ដិសមនឹងឱ្យខ្ញុំប្រើ នឹងត្រូវក្លាយជាពួកកូនប្រុសច្បងរបស់ខ្ញុំ។) ពួកកូនប្រុសច្បងរបស់ខ្ញុំអើយ អ្នកមានព្រះពរដែលខ្ញុំប្រទានដល់អ្នករាល់គ្នាជាផ្លូវការហើយ (សម្រាប់អស់អ្នកណាដែលខ្ញុំមិនសព្វព្រះទ័យ បានបង្ហាញសម្បុរពិតរបស់ពួកគេហើយ) ហើយចាប់ពីពេលនេះតទៅ នឹងលែងមានករណីទទឹងទាស់នឹងខ្ញុំនៅក្នុងចំណោមអ្នករាល់គ្នាទៀតហើយ។ អ្នកស្គាល់ខ្ញុំច្បាស់ប្រាកដមួយរយភាគរយ។ (មានតែសព្វថ្ងៃនេះទេដែលសេចក្ដីនេះអាចសម្រេចទៅបានទាំងស្រុង ហើយខ្ញុំបានកំណត់ទុកជាមុននូវពេលវេលានេះ។) អ្វីគ្រប់យ៉ាងដែលអ្នកលាក់ទុកនៅក្នុងដួងចិត្តរបស់អ្នករាល់គ្នា គឺជាសេចក្ដីស្រឡាញ់ច្រើនរាប់មិនអស់ និងការគោរពកោតខ្លាចចំពោះខ្ញុំ ហើយអ្នកសរសើរតម្កើងខ្ញុំ និងផ្ដល់សិរីល្អដល់ខ្ញុំគ្រប់ពេលវេលាទាំងអស់។ អ្នកពិតជាកំពុងរស់នៅក្រោមការមើលថែ និងការការពារដោយសេចក្ដីស្រឡាញ់របស់ខ្ញុំនៅក្នុងស្ថានសួគ៌ទីបី។ ពិតជាទីបរមសុខ និងសេចក្ដីសុខមិនអាចប្រៀបផ្ទឹមបានមែន! វាគឺជាពិភពមួយផ្សេងទៀត ពិភពមួយដែលមនុស្សពិបាកនឹងនឹកស្រមៃដល់ ជាពិភពខាងវិញ្ញាណដ៏ពិតប្រាកដ។

រាល់សេចក្ដីអន្តរាយទាំងអស់ដែលកើតមានឡើងនៅពេលក្រោយ គ្រោះមន្តរាយនីមួយៗកាន់តែធ្ងន់ធ្ងរជាងមុន ហើយស្ថានភាពកាន់តែតឹងតែងជាងសព្វថ្ងៃនេះ។ នេះគឺគ្រាន់តែជាការចាប់ផ្ដើមនៃគ្រោះមហន្តរាយនោះប៉ុណ្ណោះ។ គ្រោះមហន្តរាយកាន់ធ្ងន់ធ្ងរដែលនឹងត្រូវកើតមានឡើង មិនអាចឱ្យមនុស្សនឹកស្រមៃបានទេ។ ចូរឱ្យពួកកូនប្រុសរបស់ខ្ញុំជាអ្នកដោះស្រាយវាចុះ។ នេះគឺជាបញ្ញត្តិរដ្ឋបាលរបស់ខ្ញុំ ហើយខ្ញុំបានរៀបចំវាជាយូរមកហើយ។ រាល់ទីសម្គាល់ និងការអស្ចារ្យទាំងអស់ដែលមនុស្សមិនធ្លាប់បានឃើញពីមុន ត្រូវកើតចេញមកអំពីខ្ញុំ ដោយកើតឡើងម្ដងមួយៗមកលើមនុស្សទាំងអស់ (មានន័យថា គ្រប់រាស្រ្តទាំងអស់នៃនគររបស់ខ្ញុំ)។ ប៉ុន្តែនេះគឺជារឿងដែលនឹងកើតមាននៅពេលអនាគតដ៏ខ្លីខាងមុខ។ ចូរកុំភ័យខ្លាចអី។ មនុស្សគ្រប់គ្នាបាននិយាយពីការចូលទៅក្នុងនគរព្រះនេះ។ តើសភាពអ្វីទៅដែលត្រូវចូលទៅក្នុងនគរព្រះនោះ? ហើយតើនគរព្រះគឺជាអ្វី? តើវាគឺជាទីក្រុងដែលមានរូបរាងពិតប្រាកដមែនទេ? អ្នករាល់គ្នាយល់ខុសហើយ។ នគរព្រះគឺមិនស្ថិតនៅលើផែនដីទេ ហើយក៏មិនមែននៅលើផ្ទៃមេឃនេះដែរ ប៉ុន្តែនៅក្នុងពិភពខាងវិញ្ញាណដែលមនុស្សមិនអាចមើលឃើញ និងប៉ះបានទេ។ មានតែអស់អ្នកណាដែលបានទទួលយកព្រះនាមរបស់ខ្ញុំ ដែលត្រូវបានខ្ញុំប្រោសឱ្យគ្រប់លក្ខណ៍ទាំងស្រុង និងមានព្រះពររបស់ខ្ញុំទេ ដែលនឹងអាចចូលទៅក្នុងនគរព្រះបាន។ ពិភពខាងវិញ្ញាណដែលត្រូវបានពោលជារឿយៗពីមុនមកនោះ គឺជាសំបកក្រៅនៃនគរស្ថានសួគ៌។ ក៏ប៉ុន្តែ ការចូលទៅក្នុងនគរព្រះដោយពិតប្រាកដ គឺមិនមែនជារឿងងាយស្រួលនោះទេ។ អស់អ្នកណាដែលចូលទៅកាន់នគរព្រះ ត្រូវតែមានបន្ទូលសន្យារបស់ខ្ញុំ និងត្រូវជារាស្រ្តដែលខ្ញុំបានកំណត់ទុកជាមុនឱ្យ និងត្រូវបានខ្ញុំរើសតាំងដោយផ្ទាល់។ ហេតុនេះ ពិភពខាងវិញ្ញាណគឺមិនមែនជាទីកន្លែងដែលមនុស្សអាចទៅនិងមកតាមតែចិត្តចង់នោះទេ។ ការយល់ដឹងរបស់មនុស្សអំពីសេចក្ដីនេះ ធ្លាប់តែរាក់កំភែល និងស្របតែទៅតាមសញ្ញាណរបស់មនុស្សសុទ្ធសាធ។ មានតែអស់អ្នកណាដែលចូលទៅក្នុងនគរព្រះប៉ុណ្ណោះដែលអាចទទួលបានព្រះពរ ដូច្នេះ មនុស្សមិនមែនត្រឹមតែមិនអាចទទួលបានព្រះពរទាំងអស់នេះទេ ប៉ុន្តែលើសពីនេះទៅទៀត ពួកគេក៏មិនអាចមើលឃើញព្រះពរទាំងអស់នោះបានដែរ។ នេះគឺជាបញ្ញត្តិរដ្ឋបាលចុងក្រោយរបស់ខ្ញុំ។

ខាង​ដើម៖ ជំពូកទី ៩២

បន្ទាប់៖ ជំពូកទី ៩៤

គ្រោះមហន្តរាយផ្សេងៗបានធ្លាក់ចុះ សំឡេងរោទិ៍នៃថ្ងៃចុងក្រោយបានបន្លឺឡើង ហើយទំនាយនៃការយាងមករបស់ព្រះអម្ចាស់ត្រូវបានសម្រេច។ តើអ្នកចង់ស្វាគមន៍ព្រះអម្ចាស់ជាមួយក្រុមគ្រួសាររបស់អ្នក ហើយទទួលបានឱកាសត្រូវបានការពារដោយព្រះទេ?

ការកំណត់

  • អត្ថបទ
  • ប្រធានបទ

ពណ៌​ដិតច្បាស់

ប្រធានបទ

ប្រភេទ​អក្សរ

ទំហំ​អក្សរ

ចម្លោះ​បន្ទាត់

ចម្លោះ​បន្ទាត់

ប្រវែងទទឹង​ទំព័រ

មាតិកា

ស្វែងរក

  • ស្វែង​រក​អត្ថបទ​នេះ
  • ស្វែង​រក​សៀវភៅ​នេះ