តើអ្វីជាប្រភពដើមនៃផ្លេកបន្ទោរពីទិសខាងកើត?

ពេលនេះយើងស្ថិតក្នុងគ្រាចុងក្រោយ បទទំនាយអំពីការយាងត្រឡប់មកវិញរបស់ព្រះអម្ចាស់ ក៏ត្រូវបានសម្រេចស្ទើរទាំងអស់ ហើយពួកអ្នកជឿស៊ប់រាប់ពាន់នាក់ កំពុងសង្ឃឹមយ៉ាងមុតមាំ ចំពោះការយាងត្រឡប់មកវិញរបស់ព្រះអម្ចាស់យេស៊ូវ។ យ៉ាងណាមិញ ក្នុងពេលជាមួយគ្នានោះ ផ្លេកបន្ទោរពីទិសខាងកើតក៏បានផ្ដល់ទីបន្ទាល់ដោយចំហថា ព្រះអម្ចាស់យេស៊ូវបានយាងត្រឡប់មកវិញស្រេចហើយ គឺព្រះដ៏មានគ្រប់ព្រះចេស្ដា ជាការយកកំណើតជាមនុស្សក្នុងគ្រាចុងក្រោយ ហើយបង្ហាញថា ព្រះអង្គបានធ្វើកិច្ចការជំនុំជម្រះរបស់ទ្រង់ ដោយចាប់ផ្ដើមពីដំណាក់របស់ព្រះជាម្ចាស់។ ការលេចឡើងនៃផ្លេកបន្ទោរពីទិសខាងកើត បានអង្រួនពិភពសាសនាទាំងមូល ក៏ដូចជាអស់អ្នកដែលជឿលើព្រះជាម្ចាស់យ៉ាងស្មោះត្រង់ និងស្រេកឃ្លានចង់បានសេចក្ដីពិត។ តាមរយៈការស្វែងរក និងពិនិត្យល្អិតល្អន់អំពីព្រះបន្ទូល និងកិច្ចការរបស់ព្រះដ៏មានគ្រប់ព្រះចេស្ដា មនុស្សជាច្រើនបញ្ជាក់ថា ព្រះដ៏មានគ្រប់ព្រះចេស្ដា គឺជាព្រះអម្ចាស់យេស៊ូវដែលបានយាងត្រឡប់មកវិញ រួចពួកគេក៏ចូលមកចំពោះព្រះដ៏មានគ្រប់ព្រះចេស្ដា ម្ដងម្នាក់ៗ។ ការនេះបានធ្វើឲ្យគ្រូគង្វាល និងពួកចាស់ទុំក្នុងពិភពសាសនា ក៏ដូចជារដ្ឋាភិបាលបក្សកុំម្មុយនីស្តចិន ធ្លាក់ក្នុងភាពស្លន់ស្លោ។ ពួកគេសមគំនិតគ្នាក្នុងការបង្ក្រាប និងដាក់ផ្លេកបន្ទោរពីទិសខាងកើតឲ្យនៅក្រៅច្បាប់ ដោយប្រតិដ្ឋនូវពាក្យចចាមអារាមជាច្រើន ព្រមទាំងថ្កោលទោសយ៉ាងសាហាវ ហើយនិយាយមួលបង្កាច់ថា ផ្លេកបន្ទោរពីទិសខាងកើត គឺជាអញមតិផង។ ពួកគេធ្វើគ្រប់យ៉ាងដែលពួកគេអាចធ្វើបាន ដើម្បីរាំងខ្ទប់ និងរុកកួនដល់អ្នកជឿដ៏ស្មោះត្រង់ ដែលចង់ស្វែងរក និងពិនិត្យល្អិតល្អន់អំពីការលេចមក និងកិច្ចការរបស់ព្រះដ៏មានគ្រប់ព្រះចេស្ដា នៅក្នុងគ្រាចុងក្រោយ។ សោកនាដកម្មជាប្រវត្តិសាស្ត្រក្នុងពិភពសាសនារបស់សាសន៍យូដា ដែលយកខ្លួនឯងទៅធ្វើជាសម្ពន្ធមិត្តជាមួយនឹងរដ្ឋាភិបាលរ៉ូម៉ាំង ដើម្បីសង្កត់សង្កិនព្រះអម្ចាស់យេស៊ូវយ៉ាងសាហាវនោះ កំពុងកើតឡើងម្ដងទៀត។ មានមតិខុសគ្នាជាច្រើន ចំពោះការដែលថា ផ្លេកបន្ទោរពីទិសខាងកើត គឺជាព្រះអម្ចាស់យេស៊ូវដែលបានយាងត្រឡប់មកវិញមែន ឬមិនមែន ហើយនោះជាកិច្ចការរបស់ព្រះជាម្ចាស់មែន ឬមិនមែន។ មនុស្សខ្លះយល់ស្របតាមគ្រូគង្វាល និងពួកចាស់ទុំក្នុងពិភពសាសនា នៅក្នុងការបដិសេធ និងការថ្កោលទោសរបស់គេ តែក៏មានអ្នកខ្លះជឿថា ផ្លេកបន្ទោរពីទិសខាងកើត មានពាក់ព័ន្ធនឹងបទទំនាយរបស់ព្រះអម្ចាស់យេស៊ូវនៅក្នុងព្រះគម្ពីរ ដែលចែងថា «ឯពន្លឺផ្លេកបន្ទោរ ចេញពីទិសខាងកើត ហើយចាំងពន្លឺទៅទិសខាងលិចយ៉ាងណា ដំណើរយាងមករបស់កូនមនុស្ស ក៏យ៉ាងនោះដែរ» (ម៉ាថាយ ២៤:២៧) និងជឿថា ផ្លេកបន្ទោរនេះពាក់ព័ន្ធនឹងការយាងត្រឡប់មកវិញរបស់កូនមនុស្ស នៅក្នុងគ្រាចុងក្រោយ។ ដូច្នេះ តើអ្វីជាប្រភពដើមនៃផ្លេកបន្ទោរពីទិសខាងកើតឲ្យប្រាកដ? តើវាជាកិច្ចការរបស់ព្រះជាម្ចាស់ឬ ហើយតើវាមានអាថ៌កំបាំងអ្វីខ្លះ?

មនុស្សគ្រប់គ្នាដែលយល់អំពីកិច្ចការរបស់ព្រះជាម្ចាស់ដឹងថា កិច្ចការរបស់ព្រះជាម្ចាស់ថ្មីជានិច្ច និងមានវឌ្ឍនភាពទៅមុខឥតឈប់ឈរឡើយ។ ឧទាហរណ៍ នៅក្នុងយុគសម័យនៃក្រឹត្យវិន័យ ព្រះជាម្ចាស់ធ្វើការតាមរយៈព្រះវិញ្ញាណ ហើយបានចេញនូវក្រឹត្យវិន័យដែលដឹកនាំជីវិតមនុស្សនៅលើផែនដី។ បន្ទាប់មក ក្នុងយុគសម័យនៃព្រះគុណ ព្រះជាម្ចាស់បានយកកំណើតជាមនុស្ស ហើយបានលេចមកជាកូនមនុស្ស ដើម្បីធ្វើកិច្ចការរបស់ទ្រង់ ដោយប្រោសជំងឺ និងបណ្ដេញអារក្ស ធ្វើការអស្ចារ្យជាច្រើន ហើយបង្ហាញផ្លូវថា «ចូរអ្នករាល់គ្នាប្រែចិត្ត ដ្បិតនគរព្រះនៅជិតបង្កើយ។» (ម៉ាថាយ ៤:១៧)។ ក្រោយមក ទ្រង់ក៏ត្រូវគេដំភ្ជាប់លើឈើឆ្កាង និងបានបង្ហើយកិច្ចការរបស់ទ្រង់ ក្នុងការប្រោសលោះមនុស្សជាតិទាំងអស់។ ប៉ុន្តែ មនុស្សមិនស្គាល់កិច្ចការរបស់ព្រះជាម្ចាស់ទេ ហើយសំខាន់ជាងគេនោះ ពួកគេថែមទាំងមាននូវធម្មជាតិក្រអឺតក្រទមបែបសាតាំង ហើយសុទ្ធតែមានចរិតស្វ័យសុចរិត តឹងតែង និងចចេសក្បាលរឹងជ្រុលទៀតផង។ ពួកគេតោងខ្ជាប់នូវសញ្ញាណ និងការស្រមើស្រមៃ រហូតដល់ថ្នាក់ពួកគេធុញថប់នឹងសេចក្ដីពិត និងស្អប់សេចក្ដីពិតផងដែរ។ នេះជាហេតុផលដែលគ្រប់ពេលដែលព្រះជាម្ចាស់បំពេញកិច្ចការមួយថ្មី គឺទ្រង់ត្រូវតែរងនូវការប្រមាថ ការបៀតបៀន និងការថ្កោលទោសយ៉ាងកម្រោល ពីសំណាក់ពិភពសាសនា និងពួកអ្នកកាន់អំណាចគ្រប់គ្រង។ អស់អ្នកដែលផ្សព្វផ្សាយ និងធ្វើបន្ទាល់ពីកិច្ចការថ្មីរបស់ព្រះជាម្ចាស់ ក៏អាចត្រូវបានគេបង្ខូចកិត្តិយសដោយការចោទប្រកាន់ និងពាក្យសម្ដីបង្កាច់បង្ខូចសព្វបែបសព្វយ៉ាង ក៏ដូចជាត្រូវគេបៀតបៀនផងដែរ។ នេះគឺជាការពិតដែលត្រូវបានកត់ត្រាទុកនៅក្នុងគម្ពីរសញ្ញាថ្មី៖ ដើម្បីសង្គ្រោះមនុស្សជាតិឲ្យរួចពីគ្រោះថ្នាក់នៃការដែលត្រូវដាក់ទោស ចំពោះការល្មើសច្បាប់ដែលពួកគេមិនអាចគោរពតាម ព្រះជាម្ចាស់ក៏បានយកកំណើតជាមនុស្ស ក្នុងរូបអង្គជាព្រះអម្ចាស់យេស៊ូវ ហើយបានចាប់ផ្ដើមកិច្ចការនៃការប្រោសលោះ ក្នុងយុគសម័យនៃព្រះគុណ។ នៅពេលដែលព្រះអម្ចាស់យេស៊ូវកំពុងតែបំពេញកិច្ចការរបស់ទ្រង់នៅក្នុងស្រុកយូដា ទ្រង់បានបំពេញនូវស្នាព្រះហស្តដ៏អស្ចារ្យជាច្រើន បានប្រោសជំងឺ និងបណ្ដេញអារក្ស បានប្រទានឲ្យមនុស្សនូវព្រះគុណដ៏បរិបូរ ហើយបានសម្ដែងចេញនូវសេចក្ដីពិតជាច្រើនផងដែរ។ ការនេះល្មមបញ្ជាក់បានថា ព្រះអម្ចាស់យេស៊ូវ គឺជាព្រះជាម្ចាស់ផ្ទាល់ព្រះអង្គ និងបញ្ជាក់ថា ទ្រង់គឺជាព្រះមែស្ស៊ី ដែលសាសន៍អ៊ីស្រាអែលទន្ទឹងរង់ចាំជាយូរមកហើយ។ យ៉ាងណាមិញ មហាបូជាចារ្យសាសន៍យូដា អាចារ្យ និងពួកផារីស៊ី សុទ្ធតែចចេសកាន់ខ្ជាប់នូវសញ្ញាណ និងបដិសេធមិនព្រមជឿសោះថា ព្រះយេស៊ូវគឺជាព្រះមែស្ស៊ីដែលពួកគេបានទន្ទឹងរង់ចាំជាយូរមកហើយនោះទេ។ ផ្ទូយទៅវិញ ពួកគេបានរុករកសុសសព្វព្រះគម្ពីរនូវសេចក្ដីទាំងឡាយ យកមកទាស់នឹងព្រះយេស៊ូវ ពួកគេបរិហារ វិនិច្ឆ័យ និងថ្កោលទោសកិច្ចការរបស់ព្រះអម្ចាស់យេស៊ូវថាជាអញមតិ (សូមអាន កិច្ចការ ២៤:១៤) ហើយថា ព្រះយេស៊ូវផ្ទាល់ គឺជា «មេនៃអំបូរណាសារ៉ែត» ទៀតផង (សូមអានកិច្ចការ ២៤:៥)។ ពួកគេបានបោកប្រាស់ និងបានពន្យុះឲ្យសាសន៍យូដាថ្កោលទោសព្រះអម្ចាស់យេស៊ូវ និងបានចងសម្ពន្ធមិត្តជាមួយនឹងរដ្ឋាភិបាលរ៉ូម៉ាំង ក្នុងការឆ្កាងព្រះអង្គផង។ នេះហើយជាហេតុផលជាតិសាសន៍យូដាទាំងមូលប្រមាថនិស្ស័យរបស់ព្រះជាម្ចាស់ ហើយរងនូវក្ដីអន្តរាយដែលពុំធ្លាប់មានពីមុនមកសោះ។ វាស្ដែងបញ្ជាក់យ៉ាងច្បាស់ថា សេចក្ដីដែលត្រូវបានថ្កោលទោស និងត្រូវតតាំងពីសំណាក់ពិភពសាសនា និងអស់អ្នកដែលកាន់អំណាច ពុំចាំបាច់ទាល់តែខុសនោះទេ ពោលគឺ ការនោះទំនងជាមកពីព្រះជាម្ចាស់ និងជាកិច្ចការរបស់ព្រះជាម្ចាស់ខ្លាំងណាស់។ ដូច្នេះ កាលកំពុងពិនិត្យល្អិតល្អន់អំពីសេចក្ដីណាដែលជាកិច្ចការរបស់ព្រះជាម្ចាស់ ឬមិនមែនក៏ដោយ ក៏គេមិនអាចធ្វើការវិនិច្ឆ័យនេះ ដោយផ្អែកលើការដែលពិភពសាសនា និងអស់អ្នកដែលកាន់អំណាច ព្រមស្គាល់ ឬទទួលយកការនោះ ឬក៏មិនព្រមនោះឡើយ។ យើងអាចមើលឃើញតាមកិច្ចការទាំងអស់ដែលត្រូវបានធ្វើឡើងនៅក្នុងយុគសម័យនៃក្រឹត្យវិន័យ និងយុគសម័យនៃព្រះគុណថា ដើម្បីកំណត់ថា សេចក្ដីនោះគឺជាកិច្ចការរបស់ព្រះជាម្ចាស់មែន ឬមិនមែន ភាគច្រើនគឺវាអាស្រ័យត្រង់ថា អ្វីដែលត្រូវបានបង្ហាញតាមវិធីនោះ វាជាសេចក្ដីពិតមែន ឬក៏មិនមែន វាជាសេចក្ដីដែលមនុស្សជាតិត្រូវការជាបន្ទាន់នាពេលបច្ចុប្បន្នមែន ឬក៏មិនមែន ហើយវាជាកិច្ចការរបស់ព្រះវិញ្ញាណបរិសុទ្ធមែន ឬក៏មិនមែន។ គឺមានតែវិធីនេះទេទើបអាចឲ្យដឹងបានថា សេចក្ដីនោះជាកិច្ចការដ៏មានខ្លឹមសារបំផុតរបស់ព្រះជាម្ចាស់មែន ឬក៏មិនមែន នេះគឺជារឿងសំខាន់ជាងគេបំផុត។

សេចក្ដីពុករលួយរបស់មនុស្សជាតិ កំពុងរីករាលដាលខ្លាំងឡើងៗនៅក្នុងគ្រាចុងក្រោយនេះ។ មនុស្សកំពុងស្ថិតនៅក្រោមការគ្រប់គ្រងនៃធម្មជាតិដ៏អាក្រក់ ពុករលួយរបស់ពួកគេទាំងស្រុង ក៏រមែងប្រព្រឹត្តនូវអំពើបាបដោយអចេតនា គ្រប់គ្នាក៏កំពុងរស់នៅក្នុងជីវិតដែលប្រព្រឹត្តអំពើបាបនៅពេលថ្ងៃ ហើយលន់តួបាបនៅពេលយប់ ពួកគេកំពុងរស់ក្នុងការឈឺចាប់ដែលមិនអាចទ្រាំទ្របាន។ មនុស្សជាតិកំពុងនៅកាន់តែឆ្ងាយទៅៗពីព្រះជាម្ចាស់ ហើយសេចក្ដីសង្ឃឹមរបស់ពួកគេ ចំពោះការទទួលបាននូវសេចក្ដីសង្គ្រោះ ក៏កាន់តែឃ្លាតឆ្ងាយទៅៗដែរ។ ដើម្បីសង្គ្រោះមនុស្សលោកពីស្ថានភាពដ៏វេទនានៃការប្រព្រឹត្ដិបាប រួចក៏លន់តួ លន់តួរួចហើយ ក៏ប្រព្រឹត្តបាបមិនចេះចប់មិនចេះហើយ និងដើម្បីឲ្យពួកគេអាចបោះបង់ចោលទាំងស្រុងនូវនិស្ស័យអាក្រក់ និងនិស្ស័យពុករលួយរបស់ពួកគេ ព្រមទាំងបង្ខាំង និងកំហិតអំពើបាប ដើម្បីឲ្យពួកគេត្រូវបានសម្អាត និងទទួលបាននូវសេចក្ដីសង្គ្រោះរបស់ព្រះជាម្ចាស់ ព្រះជាម្ចាស់ត្រូវតែក្លាយជាសាច់ឈាមម្ដងទៀត ដើម្បីសម្ដែងនូវសេចក្ដីពិត និងជំនុំជម្រះមនុស្សជាតិដ៏ពុករលួយ ហើយព្រះអង្គក៏បំបេញនូវកិច្ចការមួយដំណាក់កាលថ្មី ដើម្បីបន្សុទ្ធ និងសង្គ្រោះមនុស្សជាតិទាំងស្រុង។ លើកនេះ ព្រះជាម្ចាស់យកកំណើតជាមនុស្សនៅប៉ែកខាងកើតនៃពិភពលោក គឺក្នុងប្រទេសចិន ដោយលេចមក និងបំពេញកិច្ចការរបស់ទ្រង់ផង។ ទ្រង់បានបិទបញ្ចប់យុគសម័យនៃព្រះគុណ និងបានចាប់ផ្ដើមយុគសម័យនៃនគរព្រះ ទ្រង់បាននាំមកនូវសេចក្ដីពិតដែលឧត្ដុង្គឧត្ដម និងបរិបូរជាងមុន ទ្រង់ក៏បានបង្ហាញនូវសេចក្ដីអាថ៌កំបាំងពីកិច្ចការទាំងអស់របស់ព្រះជាម្ចាស់ តាំងពីកំណើតផែនដី ហើយទ្រង់បានប្រទានឲ្យមនុស្សនូវសេចក្ដីពិតគ្រប់យ៉ាង ដើម្បីសម្អាត និងសង្គ្រោះពួកគេ។ អស់អ្នកដែលទទួលកិច្ចការរបស់ព្រះដ៏មានគ្រប់ព្រះចេស្ដា នៅក្នុងគ្រាចុងក្រោយ បានចាប់ផ្ដើមយល់នូវសេចក្ដីពិតជាច្រើន តាមរយៈព្រះបន្ទូលដែលបង្ហាញចេញមកដោយព្រះដ៏មានគ្រប់ព្រះចេស្ដា ពួកគេបានឃើញច្បាស់ថា ព្រះដ៏មានគ្រប់ព្រះចេស្ដា ដែលបង្ហាញឲ្យឃើញសេចក្ដីពិតក្នុងគ្រាចុងក្រោយ គឺពិតជាព្រះអម្ចាស់យេស៊ូវ ដែលបានយាងត្រឡប់មកវិញមែន ពួកគេបានទទួលនូវចំណេះយ៉ាងច្បាស់ អំពីធម្មជាតិដ៏ពុករលួយរបស់ពួកគេផ្ទាល់ និងបុព្វហេតុជាឫសគល់នៃអំពើបាបរបស់គេ ពួកគេបានរកឃើញផ្លូវក្នុងការកម្ចាត់និស្ស័យដ៏អាក្រក់ និងពុករលួយរបស់ពួកគេ ហើយដួងចិត្តរបស់ពួកគេក៏ភ្លឺថ្លា និងជ្រះស្រឡះផង។ តាមរយៈការឆ្លងកាត់នូវការជំនុំជម្រះ ការវាយផ្ចាល ការល្បងល និងការបន្សុទ្ធពីព្រះបន្ទូលរបស់ព្រះជាម្ចាស់ និស្ស័យជីវិតរបស់ពួកគេក៏ប្រែប្រួលជាដរាប ពួកគេមើលឃើញក្ដីសង្ឃឹមនៃសេចក្ដីសង្គ្រោះ ហើយពួកគេមានចំណេះដឹងពិតអំពីក្ដីសប្បុរស និងសារជាតិដ៏បរិសុទ្ធរបស់ព្រះជាម្ចាស់ ក៏ដូចជានិស្ស័យសុចរិត និងមិនអាចល្មើសបានរបស់ព្រះអង្គផង។ ពួកគេមានការយល់ដឹង និងចំណេះដឹងជាក់ស្ដែងអំពីកម្មសិទ្ធិ និងអត្តសញ្ញាណរបស់ព្រះជាម្ចាស់ ដូចជា ឫទ្ធានុភាព ព្រះប្រាជ្ញាញាណ និងសិទ្ធិអំណាចរបស់ទ្រង់ ហើយពួកគេអាចដឹងថា ជំនឿរបស់គេចំពោះព្រះជាម្ចាស់ លែងទទេស្អាត ឬស្រពេចស្រពិលទៀតហើយ ផ្ទុយទៅវិញ គឺកាន់តែពិតជាក់ស្ដែងវិញ។ ពួកគេពិតជាដឹងថា ព្រះជាម្ចាស់ត្រឹមត្រូវ និងគួរឲ្យស្រឡាញ់ណាស់ ហេតុនេះទើបពួកគេរឹតតែមានចិត្តកោតខ្លាចព្រះជាម្ចាស់។ ពួកគេបានបង្កើតឲ្យមាននូវការស្ដាប់បង្គាប់ដ៏ពិតប្រាកដ និងការគិតគូរដល់ព្រះជាម្ចាស់ ហើយពួកគេគ្រប់គ្នាសុទ្ធតែយល់ឃើញច្បាស់ថា កិច្ចការនៃការជំនុំជម្រះរបស់ព្រះដ៏មានគ្រប់ព្រះចេស្ដានៅក្នុងគ្រាចុងក្រោយ ពិតជាអាចបន្សុទ្ធ និងសង្គ្រោះមនុស្សលោកមែន។ ក្នុងគ្រាចុងក្រោយ ពេលវេលានៃកិច្ចការជំនុំជម្រះ និងការបន្សុទ្ធរបស់ព្រះជាម្ចាស់ មានរយៈពេលខ្លី ហើយដើរទៅមុខលឿនណាស់ គឺដូចជាផ្លេកបន្ទោរអ៊ីចឹង។ ក្នុងរយៈពេលតែទសវត្សរ៍ដ៏ខ្លី ដំណឹងល្អអំពីនគរព្រះ ក៏បានសាយភាយទៅទូទាំងចិនដីគោក និងបង្កើតបាននូវអ្នកមានជ័យជម្នះមួយក្រុម ហើយពេលនេះដំណឹងល្អនេះ ក៏កំពុងរីកសុសសាយទៅគ្រប់ប្រជាជាតិទាំងអស់យ៉ាងឆាប់រហ័ស ដល់គ្រប់ច្រកល្ហកនៃពិភពលោក។ ការនេះពិតសម្រេចនូវបទទំនាយរបស់ព្រះអម្ចាស់យេស៊ូវយ៉ាងច្បាស់៖ «ឯពន្លឺផ្លេកបន្ទោរ ចេញពីទិសខាងកើត ហើយចាំងពន្លឺទៅទិសខាងលិចយ៉ាងណា ដំណើរយាងមករបស់កូនមនុស្ស ក៏យ៉ាងនោះដែរ» (ម៉ាថាយ ២៤:២៧)។ ហេតុនេះ ទោះបីជាគ្រូគង្វាល និងពួកចាស់ទុំក្នុងពិភពសាសនា បានប្រឈមនឹងកិច្ចការថ្មីរបស់ព្រះជាម្ចាស់ ដែលខុសប្លែកពីសញ្ញាណរបស់មនុស្ស ក៏ពួកគេនៅតែចចេសកាន់ខ្ជាប់នូវសញ្ញាណសាសនាដដែល ហើយពួកគេមិនត្រឹមតែមិនស្វែងរក ឬពិនិត្យល្អិតល្អន់អំពីកិច្ចការនេះទេ តែពួកគេថែមទាំងរើកកាយព្រះគម្ពីរ និងប្រមាញ់រកកំហុសនានាដែលពួកគេអាចប្រើទាស់នឹងព្រះជាម្ចាស់ ដោយវិនិច្ឆ័យ និងថ្កោលទោសកិច្ចការរបស់ព្រះដ៏មានគ្រប់ព្រះចេស្ដាក្នុងគ្រាចុងក្រោយ ទាំងឥតគិតពិចារណា ហើយនិយាយអាក្រក់ពីពួកជំនុំនៃព្រះដ៏មានគ្រប់ព្រះចេស្ដាថាជា «និកាយផ្លេកបន្ទោរពីទិសខាងកើត» និងជាអញមតិទៀតផង។ សកម្មភាព និងទង្វើរបស់ពួកគេ ដូចគ្នាបេះបិតនឹងពួកមហាបូជាចារ្យសាសន៍យូដា អាចារ្យ និងពួកផារីស៊ី ពេលដែលគេថ្កោលទោសព្រះអម្ចាស់យេស៊ូវ។ ដែលពួកគេអាចតតាំង និងវាយប្រហារកិច្ចការរបស់ព្រះជាម្ចាស់ក្នុងគ្រាចុងក្រោយដូច្នេះ ព្រមទាំងរារាំងមនុស្សមិនឲ្យព្យាយាមស្វែងរក និងដើរតាមជំហានរបស់ព្រះជាម្ចាស់ ហើយស្ដាប់តាមកិច្ចការរបស់ព្រះជាម្ចាស់ តើនោះមិនប្រាកដជាធ្វើឲ្យពួកគេក្លាយជាពួកផារីស៊ីនាសម័យទំនើប ដែលតតាំង និងថ្កោលទោសព្រះគ្រីស្ទទេឬអី? តើសារជាតិនៃសកម្មភាពរបស់គេ ពុំមែនជាការស្អប់សេចក្ដីពិត និងប្រមាថដល់ព្រះវិញ្ញាណបរិសុទ្ធទេឬអី? ការថ្កោលទោសដ៏កម្រោលដល់ការលេចមក និងកិច្ចការរបស់ព្រះដ៏មានគ្រប់ព្រះចេស្ដា ពីសំណាក់អ្នកដឹកនាំក្នុងពិភពសាសនា ក៏សម្រេបានទាំងស្រុងនូវព្រះបន្ទូលរបស់ព្រះអម្ចាស់យេស៊ូវ កាលទ្រង់ថ្លែងទំនាយអំពីការយាងត្រឡប់មកវិញរបស់ទ្រង់ថា៖ «ដ្បិតផ្លេកបន្ទោរ ដែលភ្លឺពីផ្នែកម្ខាងនៅក្រោមមេឃ ចាំងជះទៅកាន់ផ្នែកម្ខាងទៀតនៅក្រោមមេឃ នោះបុត្រមនុស្ស នៅថ្ងៃដែលទ្រង់យាងមក ក៏ដូច្នេះដែរ។ ប៉ុន្តែ ជាដំបូងទ្រង់ត្រូវរងទុក្ខលំបាកជាច្រើន ហើយត្រូវមនុស្សជំនាន់នេះបដិសេធផង» (លូកា ១៧:២៤-២៥)។

ប្រសិនបើព្រះដ៏មានគ្រប់ព្រះចេស្ដាមិនថ្លែងព្រះបន្ទូលរបស់ទ្រង់ ហើយបើកសម្ដែងពីអាថ៌កំបាំងនានា នោះយើងមុខជាមិនយល់អត្ថន័យពិតនៃបទទំនាយថា «ឯពន្លឺផ្លេកបន្ទោរ ចេញពីទិសខាងកើត ហើយចាំងពន្លឺទៅទិសខាងលិចយ៉ាងណា ដំណើរយាងមករបស់កូនមនុស្ស ក៏យ៉ាងនោះដែរ»។ ព្រះដ៏មានគ្រប់ ព្រះចេស្ដាមានបន្ទូលថា៖ «នៅពេលដែលមនុស្សទាំងអស់យកចិត្តទុកដាក់ នៅពេលដែលរបស់សព្វសារពើត្រូវបានកែជាថ្មី និងមានជីវិតជាថ្មី នៅពេលដែលមនុស្សគ្រប់រូបចុះចូលចំពោះព្រះជាម្ចាស់ ដោយគ្មានចិត្តសង្ស័យ ព្រមទាំងស្ម័គ្រចិត្តរែកពន់បន្ទុកនៃទំនួលខុសត្រូវដ៏ធ្ងន់របស់ព្រះជាម្ចាស់ គឺជាពេលនេះហើយដែលផ្លេកបន្ទោរនៃទិសខាងកើតបញ្ចេញរស្មីភ្លែតៗ ជះពន្លឺទៅលើមនុស្សទាំងអស់ពីទិសខាងកើតទៅទិសខាងលិច ដោយធ្វើឲ្យមនុស្សទាំងអស់នៅលើផែនដីមានអារម្មណ៍រន្ធត់ញាប់ញ័រចំពោះការមកដល់នៃពន្លឺនេះ ពោលគឺនៅចំណុចដ៏សំខាន់នេះហើយ​ ដែលព្រះជាម្ចាស់ចាប់ផ្ដើមជីវិតថ្មីម្ដងទៀតនោះ។ ... នេះមានន័យថា នៅក្នុងពិភពលោកនៃទិសខាងកើត ចាប់តាំងពីពេលដែលបន្ទាល់អំពីព្រះជាម្ចាស់ផ្ទាល់ចាប់ផ្ដើមធ្វើ រហូតដល់ពេលដែលទ្រង់ចាប់ផ្ដើមធ្វើការ ដល់ពេលដែលភាពជាព្រះចាប់ផ្ដើមមានអធិបតេយ្យភាពលើផែនដីទាំងមូល ពោលគឺនេះជាពន្លឺនៃផ្លេកបន្ទោរដ៏ក្រហមឆ្អាលពីទិសខាងកើត ដែលមិនធ្លាប់បញ្ចេញរស្មីលើចក្រវាលទាំងមូលនោះឡើយ។ នៅពេលដែលប្រទេសនៅលើផែនដីក្លាយជានគររបស់ព្រះគ្រីស្ទ នោះគឺជាពេលដែលចក្រវាលទាំងមូលត្រូវបានបំភ្លឺ។ ឥឡូវនេះដល់ពេលដែលផ្លេកបន្ទោរពីទិសខាងកើតបញ្ចេញរស្មីហើយ។ បើនិយាយឲ្យចំ នៅពេលដែលទឹករស់ហូរចេញពីបល្ល័ង្ក នៅពេលដែលព្រះសូរសៀងបន្លឺឡើងចេញពីបល្ល័ង្ក នោះហើយជាពេលដ៏ត្រឹមត្រូវដែលព្រះសូរសៀងនៃព្រះវិញ្ញាណទាំងប្រាំពីរអង្គចាប់ផ្ដើមបន្លឺឡើងជាផ្លូវការនោះ» («ជំពូកទី ១២» ស្ដីពី ការបកស្រាយអាថ៌កំបាំងនៃព្រះបន្ទូលរបស់ព្រះជាម្ចាស់ ថ្លែងទៅកាន់សកលលោកទាំងមូល នៅក្នុងសៀវភៅ ព្រះបន្ទូលលេចមកជាសាច់ឈាម) «អញកំពុងបំពេញកិច្ចការរបស់អញក្នុងសាកលលោកទាំងមូល ហើយនៅទិសខាងកើត ក៏មានសូរផ្គរលាន់គ្រាំងៗឥតដាច់ បណ្ដាលឲ្យជាតិសាសន៍ និងគណៈនិកាយទាំងអស់ញាប់ញ័រ។ គឺសូរសៀងរបស់អញនេះហើយ ដែលបានដឹកនាំមនុស្សទាំងអស់មកក្នុងពេលបច្ចុប្បន្ននេះ។ អញនឹងធ្វើឲ្យមនុស្សទាំងអស់ត្រូវយកឈ្នះដោយព្រោះសូរសៀងរបស់អញ ឲ្យគេធ្លាក់ទៅក្នុងផ្លូវទឹកហូរ រួចចុះចូលនឹងអញ ពីព្រោះអញបានយកសិរីល្អរបស់អញពីផែនដីមកវិញជាយូរមកហើយ និងបានបញ្ចេញសិរីល្អជាថ្មី នៅឯទិសខាងកើត។ តើនរណាខ្លះមិនចង់ឃើញសិរីល្អរបស់អញ? តើនរណាខ្លះមិនរង់ចាំការយាងត្រឡប់មកវិញរបស់អញដោយអន្ទះសា? តើនរណាខ្លះមិនស្រេកឃ្លានចង់ឃើញការលេចមករបស់អញ? តើនរណាខ្លះ មិនប្រាថ្នាចង់បានសេចក្តីស្រឡាញ់របស់អញ? តើនរណាខ្លះមិនអាចមករកពន្លឺបាន? តើនរណាខ្លះមើលមិនឃើញភាពសម្បូរសប្បាយនៃទឹកដីកាណាន? តើនរណាខ្លះមិនទន្ទឹងចាំការយាងត្រឡប់មកវិញ នៃព្រះដ៏ប្រោសលោះ? តើនរណាខ្លះមិនថ្វាយបង្គំព្រះដ៏មានព្រះចេស្ដាអស្ចារ្យ? ព្រះសូរសៀងរបស់អញនឹងត្រូវផ្សាយទៅពេញទាំងផែនដី។ អញចង់មានបន្ទូលជាច្រើនទៀត ទៅរាស្ត្រជ្រើសតាំងរបស់អញ ដោយបែរព្រះភក្រ្តរបស់អញទៅរកគេ។ អញថ្លែងព្រះបន្ទូលរបស់អញទៅកាន់សាកលលោក និងមនុស្សជាតិទាំងមូល ដូចផ្គរលាន់សូរសន្ធឹក ដែលអង្រួនទាំងភ្នំ និងទន្លេ។ អំណឹះតទៅ ព្រះបន្ទូលនៅក្នុងព្រះឱស្ឋរបស់អញបានក្លាយជាកំណប់ទ្រព្យរបស់មនុស្ស ហើយមនុស្សគ្រប់គ្នាក៏ត្រេកអរសប្បាយនឹងព្រះបន្ទូលរបស់អញដែរ។ ផ្លេកបន្ទោរជះពន្លឺពីទិសខាងកើតទៅដល់ទិសខាងលិច។ ព្រះបន្ទូលរបស់អញ គឺជាព្រះបន្ទូលដែលមនុស្សរារែកមិនចង់បោះបង់ចោល ហើយក្នុងពេលជាមួយគ្នា គេក៏រកយល់មិនបានដែរ ប៉ុន្តែ គេត្រេកអរសប្បាយនឹងព្រះបន្ទូលកាន់ច្រើនឡើងៗ។ មនុស្សគ្រប់ៗគ្នា ត្រេកអរសប្បាយ ហើយសាទរចំពោះការយាងមកដល់របស់អញ ដូចជាទារកដែលទើបនឹងកើត។ តាមរយៈព្រះសូរសៀងរបស់អញ អញនឹងនាំមនុស្សគ្រប់គ្នាមកចំពោះអញ។ ហេតុនេះ អញនឹងចូលទៅក្នុងចំណោមមនុស្សជាផ្លូវការ ដើម្បីឲ្យពួកគេថ្វាយបង្គំអញ។ អញនឹងធ្វើយ៉ាងណាឲ្យមនុស្សគ្រប់ៗគ្នាមកនៅចំពោះព្រះភក្រ្តអញ និងមើលឃើញផ្លេកបន្ទោរជះពន្លឺពីទិសខាងកើត … ដ្បិតអញត្រូវប្រោសឲ្យរស់ឡើងវិញ និងបានចាកចេញពីក្នុងចំណោមមនុស្សជាតិជាយូរមកហើយ ហើយក្រោយមក អញក៏លេចមកជាថ្មីជាមួយនឹងសិរីល្អ នៅក្នុងចំណោមមនុស្ស។ អញជាព្រះដែលទទួលបានការថ្វាយបង្គំច្រើនសម័យកាលរាប់មិនអស់តាំងពីមុនមក ហើយអញក៏ជាទារកដែលពួកសាសន៍អ៊ីស្រាអែលបានបោះបង់ចោលជាច្រើនសម័យកាលរាប់មិនអស់តាំងពីមុនមកដែរ។ លើសពីនេះ អញគឺជាព្រះដ៏មានព្រះចេស្ដា ពោរពេញដោយសិរីល្អក្នុងសម័យបច្ចុប្បន្ននេះ!» («ស្នូរផ្គរលាន់ទាំងប្រាំពីរ ដោយថ្លែងទំនាយថា ដំណឹងល្អអំពីនគរព្រះនឹងផ្សព្វផ្សាយពាសពេញសាកលលោក» នៅក្នុងសៀវៅ ព្រះបន្ទូលលេចមកជាសាច់ឈាម)។ តាមរយៈព្រះបន្ទូលនៃព្រះដ៏មានគ្រប់ព្រះចេស្ដា យើងអាចមើលឃើញថា កិច្ចការ និងព្រះបន្ទូលរបស់ព្រះជាម្ចាស់ក្នុងគ្រាចុងក្រោយ គឺជាផ្លេកបន្ទោរដែលចាំងពន្លឺពីទិសខាងកើត។ «ផ្លេកបន្ទោរ» គឺជាពន្លឺដ៏ចិញ្ចាច គឺជាព្រះបន្ទូលរបស់ព្រះជាម្ចាស់ ជាផ្លូវនៃការជំនុំជម្រះ និងការវាយផ្ចាលរបស់ព្រះជាម្ចាស់ក្នុងគ្រាចុងក្រោយ។ ឃ្លាថា «ចេញពីទិសខាងកើត» មានន័យថា មកពីប្រទេសចិន ហើយ «ចាំងពន្លឺទៅទិសខាងលិច» មានន័យថា ត្រូវបានសាយភាពដល់ទិសខាងលិច។ ចុងក្រោយគឺ «ដំណើរយាងមករបស់កូនមនុស្ស» សំដៅលើព្រះជាម្ចាស់ដែលក្លាយមកជាសាច់ឈាម ហើយដំបូងបើកសម្ដែងពីអង្គទ្រង់ផ្ទាល់ រួចចាប់ផ្ដើមធ្វើកិច្ចការរបស់ទ្រង់នៅទិសខាងកើត នៅក្នុងប្រទេសចិន។ នៅទីនោះ ទ្រង់បង្កើតជាមនុស្សមួយក្រុមដែលសុទ្ធតែជាអ្នកស្គាល់ព្រះជាម្ចាស់ពិតប្រាកដ ហើយពួកគេជាពួកអ្នកមានជ័យជម្នះ ដូចដែលបានទាយទុកក្នុងកណ្ឌគម្ពីរវិវរណៈ។ ហើយតាមរយៈមនុស្សទាំងនេះ ដំណឹងល្អអំពីគ្រាចុងក្រោយ ក៏សាយភាយដល់ទិសខាងលិច ដើម្បីឲ្យមនុស្សទាំងអស់អាចទទួលសេចក្ដីសង្គ្រោះនៃគ្រាចុងក្រោយរបស់ព្រះជាម្ចាស់បាន។ ព្រះបន្ទូលទាំងអស់នេះត្រូវបានសម្រេចនៅពេលនេះហើយ នេះគឺជាការពិតមួយដែលអាចត្រូវបានមើលឃើញដោយមនុស្សគ្រប់គ្នា! ផ្លេកបន្ទោរពីទិសខាងកើត (កិច្ចការនៃការជំនុំជម្រះរបស់ព្រះជាម្ចាស់ក្នុងគ្រាចុងក្រោយ នៅក្នុងប្រទេសចិន) អាចឲ្យយើងទទួលនូវសេចក្ដីស្រឡាញ់ និងសេចក្ដីសង្គ្រោះគ្រប់យ៉ាងដែលព្រះជាម្ចាស់ប្រទានឲ្យមនុស្សលោក អាចឲ្យយើងស្គាល់ព្រះភក្ត្រពិតរបស់ព្រះជាម្ចាស់ និងបង្កើននូវការគោរពកោតខ្លាច និងការថ្វាយបង្គំពិតប្រាកដដល់ព្រះជាម្ចាស់ នៅក្នុងចំណោមយើង។ ព្រះបន្ទូលរបស់ព្រះជាម្ចាស់ប្រទានឲ្យមនុស្សលោកនូវពន្លឺ និងសេចក្ដីសង្ឃឹម ដូចជាផ្លេកបន្ទោរដែរ។ អស់អ្នកណាដែលទទួលយកផ្លេកបន្ទោរពីទិសខាងកើត គឺកិច្ចការរបស់ព្រះជាម្ចាស់ក្នុងគ្រាចុងក្រោយ សុទ្ធតែអាចធ្វើបន្ទាល់ពីការនេះបាន។

មកដល់ចំណុចនេះ ខ្ញុំជឿថា អ្នកទាំងអស់គ្នាមានចម្លើយមួយច្បាស់លាស់ ឆ្លើយតបនឹងសំណួរថា អ្វីទៅជាប្រភពដើមនៃផ្លេកបន្ទោរពីទិសខាងកើត។ ព្រះជាម្ចាស់ គឺជាព្រះអាទិករនៃផ្ទៃមេឃ ផែនដី និងរបស់សព្វសារពើ។ ព្រះជាម្ចាស់បានចាប់ផ្ដើមកិច្ចការនៃការសង្គ្រោះរបស់ទ្រង់ ពីព្រោះមនុស្សត្រូវសាតាំងធ្វើឲ្យទៅជាពុករលួយ។ ព្រះជាម្ចាស់ចង់ឲ្យមនុស្សទាំងអស់ក្នុងសកលលោកនេះ មើលឃើញស្នាព្រះហស្តរបស់ទ្រង់ ដើម្បឲ្យជំនឿទាំងអស់រួមគ្នា ថ្វាយបង្គំព្រះអាទិករ និងឲ្យអស់អ្នកដែលពិតជាស្វែងរកការលេចមករបស់ព្រះជាម្ចាស់ និងដើរតាមជំហានរបស់ទ្រង់ សម្រេចបាននូវភាពស្អាតបរិសុទ្ធ និងទទួលបាននូវសេចក្ដីសង្គ្រោះ។ ព្រះអង្គនឹងនាំយកមនុស្សដែលចុះសម្រុងនឹងបំណងព្រះហឫទ័យរបស់ព្រះជាម្ចាស់ទៅក្នុងនគររបស់ទ្រង់ ដើម្បីឲ្យគេបានសម្រាកជាមួយនឹងទ្រង់។ ហេតុនេះ បងប្អូនប្រុសស្រីគ្រប់ៗគ្នារបស់យើង ដែលពិតជាជឿលើព្រះជាម្ចាស់ និងរង់ចាំការយាងត្រឡប់មកវិញរបស់ព្រះអម្ចាស់យេស៊ូវដោយអន្ទះសា បោះបង់សញ្ញាណសាសនារបស់គេចោល ហើយរៀនសូត្រពីសេចក្ដីពិតវិញ។ កុំយកចិត្តទុកដាក់នឹងពាក្យចចាមអារាម ហើយប្រឆាំងទាស់នឹងផ្លូវពិតទាំងងងឹតងងុលអោយសោះ ដ្បិតវានឹងផ្ដល់ផលជាការបាត់បង់សេចក្ដីសង្គ្រោះរបស់ព្រះជាម្ចាស់ក្នុងគ្រាចុងក្រោយទៅវិញទេ។ យើងត្រូវតែតាមឲ្យទាន់ជំហានៃកិច្ចការរបស់ព្រះជាម្ចាស់ ដោយដើរតាមជំហានរបស់ព្រះជាម្ចាស់ឲ្យជាប់ប្រកិត។ នេះគឺជាផ្លូវតែមួយគត់ ដែលយើងអាចទទួលនូវសេចក្ដីសង្គ្រោះរបស់ទ្រង់នៅទីបញ្ចប់ និងត្រូវបានព្រះជាម្ចាស់នាំទៅក្នុងនគររបស់ព្រះអង្គ។

ខាង​ដើម៖ The Spreading of Almighty God’s Kingdom Gospel in China

តើយើងគួរអធិស្ឋានយ៉ាងដូចម្ដេច ដើម្បីឲ្យព្រះជាម្ចាស់ទ្រង់សណ្ដាប់? សូមទាក់ទងមកកាន់យើងខ្ញុំ ដើម្បីស្វែងរកដំណោះស្រាយ។

ខ្លឹមសារ​ពាក់ព័ន្ធ

ការ​សម្លឹង​មើល​ការ​លេចមក​របស់​ព្រះ​ជា​ម្ចាស់​នៅ​ក្នុង​ការ​ជំនុំ​ជម្រះ និង​ការ​ដាក់​ទោស​របស់​ទ្រង់

យើង​គោរព​តាម​​​ក្រឹត្យ​វិន័យ និង​បញ្ញត្តិ​នានា​នៅ ក្នុង​ព្រះ​គម្ពីរ រីក​រាយ​ចំពោះ​ព្រះគុណ​ដ៏​បរិបូរ​របស់​ព្រះ​អម្ចាស់​យេស៊ូវ​គ្រីស្ទ...

ការកំណត់

  • អត្ថបទ
  • ប្រធានបទ

ពណ៌​ដិតច្បាស់

ប្រធានបទ

ប្រភេទ​អក្សរ

ទំហំ​អក្សរ

ចម្លោះ​បន្ទាត់

ចម្លោះ​បន្ទាត់

ប្រវែងទទឹង​ទំព័រ

មាតិកា

ស្វែងរក

  • ស្វែង​រក​អត្ថបទ​នេះ
  • ស្វែង​រក​សៀវភៅ​នេះ