ក្នុងឆ្នាំ 2020 ខណៈពេលដែលជំងឺរាតត្បាតកូវីដ-19 បានរីករាលដាលយ៉ាងឆាប់រហ័សនៅទូទាំងប្រទេសចិនដីគោក ហើយប្រជាជនបានរស់នៅយ៉ាងលំបាកលំបិន ក្នុងភាពភ័យស្លន់ស្លោ និងការព្រួយបារម្ភ ប៉ុន្តែបក្សកុម្មុយនីស្តចិនបែរជាមិនបានខ្វល់ទាល់តែសោះថាតើពួកគេរស់ ឬស្លាប់ឡើយ។ ផ្ទុយទៅវិញ បក្សនេះបានបង្កើនការគាបសង្កត់ និងការធ្វើទុក្ខបុកម្នេញរបស់ខ្លួន មកលើពួកជំនុំនៃព្រះដ៏មានគ្រប់ព្រះចេស្ដា ដោយបើកយុទ្ធនាការ «សង្គ្រាមសរុប» រយៈពេលបីឆ្នាំ (ចាប់ពីខែកញ្ញា ឆ្នាំ 2020 ដល់ខែធ្នូ ឆ្នាំ 2023)។ បន្ទាប់ពីនោះមក គ្រីស្ទបរិស័ទជាច្រើនមកពីពួកជំនុំនៃព្រះដ៏មានគ្រប់ព្រះចេស្ដា ត្រូវបានគេចាប់ខ្លួន និងជាមុខសញ្ញារងទារុណកម្មយ៉ាងឃោរឃៅ។ អ្នកខ្លះថែមទាំងត្រូវបានគេធ្វើទុក្ខបុកម្នេញរហូតដល់ស្លាប់ទៀតផង។ យោងតាមស្ថិតិមិនពេញលេញ យ៉ាងហោចណាស់មានគ្រីស្ទបរិស័ទចំនួន 9 នាក់ ត្រូវបានធ្វើទុក្ខបុកម្នេញរហូតដល់ស្លាប់ក្នុងឆ្នាំ 2021។ ទូ មីងវៃ (ឈ្មោះក្លែងក្លាយ) ជាគ្រីស្ទបរិស័ទម្នាក់មកពីពួកជំនុំនៃព្រះដ៏មានគ្រប់ព្រះចេស្ដា នៅខេត្តស៊ីឈួន ក៏ជាម្នាក់ក្នុងចំណោមពួកគេដែរ។ ដើមឡើយ ទូ មីងវៃ មានសុខភាពល្អ រីករាយ និងមានសុទិដ្ឋិនិយមជានិច្ច ប៉ុន្តែគាត់ត្រូវបានមន្ត្រីប៉ូលិសធ្វើទារុណកម្មរហូតដល់ស្លាប់ ត្រឹមតែរយៈពេល 9 ថ្ងៃ ក្រោយការចាប់ខ្លួនប៉ុណ្ណោះ។ ទោះជាយ៉ាងណាក៏ដោយ ប៉ូលិសបានអះអាងថា «គាត់បានចងកសម្លាប់ខ្លួន ដោយប្រើខ្សែសាកទូរស័ព្ទ»។ តើរឿងនេះគួរឱ្យជឿដែរឬទេ? គ្មាននរណាម្នាក់ជឿនោះទេ។ តើ ទូ មីងវៃ ពិតជាបានឆ្លងកាត់រឿងអ្វីខ្លះ ក្នុងរយៈពេល 9 ថ្ងៃចុងក្រោយនៃជីវិតរបស់គាត់? ថ្មីៗនេះ អ្នករាយការណ៍របស់យើង បានសម្ភាសគ្រីស្ទបរិស័ទម្នាក់ដែលត្រូវបានចាប់ខ្លួនជាមួយគាត់ ព្រមទាំងក្រុមគ្រួសាររបស់គាត់ផងដែរ។ តាមរយៈការរៀបរាប់របស់ពួកគេ យើងនឹងលាតត្រដាងការពិត ដែលត្រូវបានលាក់បាំងដោយបក្សកុម្មុយនីស្តចិន។

00:18 ចំណុចសំខាន់ៗ

02:00 ទូ មីងវៃ ត្រូវបានចាប់ខ្លួន ពេលកំពុងជួបជុំជាមួយបងប្អូនប្រុសស្រី

06:10 ប៉ុន្មានថ្ងៃបន្ទាប់ពីត្រូវបាននាំយកទៅសណ្ឋាគារ ទូ មីងវៃ បានស្លាប់ ហើយប៉ូលិសបានជូនដំណឹងដល់គ្រួសាររបស់គាត់

18:17 គ្រួសារលោក ទូ បានទៅកន្លែងតម្កល់សព ជាទីដែលពួកគេសោកសៅជាទីបំផុត ពេលឃើញសាកសពរបស់ ទូ មីងវៃ

20:44 មុនពេលបូជាសព ចាង ជៀ ជាបងថ្លៃរបស់ ទូ មីងវៃ បានកត់សម្គាល់ឃើញស្នាមនៅលើករបស់គាត់ ហើយសន្និដ្ឋានថាគាត់មិនបានធ្វើអត្តឃាតឡើយ

22:45 ប៉ូលិសបានតាមឃ្លាំមើលយ៉ាងស្អិត លើការដឹកជញ្ជូនធាតុរបស់គាត់ និងការបញ្ចុះធាតុ តាំងពីដើមរហូតដល់ចប់

24:32 សូម្បីតែបន្ទាប់ពី ទូ មីងវៃ ទទួលមរណភាពក៏ដោយ ក៏ប៉ូលិសនៅតែបន្តគំរាមកំហែង តាមឃ្លាំមើល និងធ្វើទុក្ខបុកម្នេញគ្រួសាររបស់គាត់ដែរ