១

សូមព្រះជាម្ចាស់បំភ្លឺពួកយើងដើម្បីឱ្យពួកយើងទាំងអស់គ្នាអាចស្គាល់ភាពគួរឱ្យស្រឡាញ់របស់ទ្រង់ ស្រឡាញ់ព្រះជាម្ចាស់របស់យើងនៅក្នុងជម្រៅនៃដួងចិត្តរបស់យើង ហើយសម្ដែងចេញនូវសេចក្ដីស្រឡាញ់ដែលយើងទាំងអស់គ្នាមានចំពោះព្រះជាម្ចាស់តាមមុខតំណែង​ផ្សេងៗគ្នារបស់យើង សូមព្រះជាម្ចាស់ប្រទានដល់ពួកយើងនូវដួងចិត្តឥតងាករេនៅក្នុងសេចក្ដីស្រឡាញ់ដ៏ស្មោះត្រង់ចំពោះទ្រង់ នេះគឺជាអ្វីដែលព្រះជាម្ចាស់សង្ឃឹមចង់បាន។ ពួកយើងដែលបានកើតនៅក្នុងដែនដីដ៏កខ្វក់នេះ បានរងនូវការធ្វើទុក្ខបុកម្នេញយ៉ាងខ្លាំងពីសំណាក់នាគដ៏ធំមានសម្បុរក្រហម ហើយហេតុនេះ បានជាមានចិត្តស្អប់វា។ វារារាំងចិត្តដែលស្រឡាញ់ព្រះជាម្ចាស់របស់យើង ហើយទាក់ចិត្តលោភលន់របស់យើងចំពោះ​អនាគត។ វា​ល្បួង​យើង​ឱ្យ​មាន​ភាពអវិជ្ជមានទទឹង​ទាស់​នឹង​ព្រះ​ជា​ម្ចាស់។ វាគឺជានាគដ៏ធំមានសម្បុរក្រហម ដែលបានបំភាន់យើង បានធ្វើឱ្យយើងពុករលួយ និងបានបំផ្លាញយើងរហូតមកដល់ពេលនេះ ដល់ថ្នាក់យើងមិនអាចតបស្នងសេចក្ដីស្រឡាញ់របស់ព្រះជាម្ចាស់ដោយដួងចិត្តរបស់យើងបាន ហើយទោះបីយើងចង់ស្រឡាញ់ព្រះជាម្ចាស់នៅក្នុងដួងចិត្តរបស់យើងយ៉ាងណា ក៏យើងមិនអាចគ្រប់គ្រងសកម្មភាពផ្ទាល់ខ្លួនរបស់យើង និងគ្មានកម្លាំងអ្វីនោះដែរ។

២

ពួកយើងដែលបានកើតនៅក្នុងដែនដីដ៏កខ្វក់នេះ បានរងនូវការធ្វើទុក្ខបុកម្នេញយ៉ាងខ្លាំងពីសំណាក់នាគដ៏ធំមានសម្បុរក្រហម។ ពួកយើងទាំងអស់គ្នាគឺជាជនរងគ្រោះរបស់វា។ ដោយហេតុផលនេះហើយ ទើបពួកយើងស្អប់វាដល់ឆ្អឹង ហើយបានត្រឹមតែរង់ចាំឱ្យព្រះជាម្ចាស់បំផ្លាញវាចោលប៉ុណ្ណោះ។ ពួកយើងគួរតែតាំងចិត្តធ្វើតាមបំណងព្រះហឫទ័យរបស់ព្រះជាម្ចាស់ គឺការស្រឡាញ់ទ្រង់។ នេះគឺជាផ្លូវដែលពួកយើងគួរតែដើរ។ វា​ជារបៀប​ដែល​យើង​គួរ​រស់នៅ។ ពួកយើងត្រូវតែកំណត់យកការធ្វើតាមបំណងព្រះហឫទ័យរបស់ព្រះជាម្ចាស់ជាគោលដៅរបស់យើង ហើយសម្ដែងចេញនូវជីវិតដ៏មានអត្ថន័យ ដ៏ភ្លឺស្វាង និងត្រចះត្រចង់។ តាមរបៀបនោះ ពួកយើងនឹងអាចស្លាប់ទៅដោយគ្មានការសោកស្ដាយឡើយ មានតែធ្វើបែបនេះទេ ទើបពួកយើងមានអារម្មណ៍ស្កប់ចិត្ត។ សូមព្រះជាម្ចាស់បំភ្លឺពួកយើងដើម្បីឱ្យពួកយើងទាំងអស់គ្នាអាចស្គាល់ភាពគួរឱ្យស្រឡាញ់របស់ទ្រង់ ស្រឡាញ់ព្រះជាម្ចាស់របស់យើងនៅក្នុងជម្រៅនៃដួងចិត្តរបស់យើង ហើយសម្ដែងចេញនូវសេចក្ដីស្រឡាញ់ដែលយើងទាំងអស់គ្នាមានចំពោះព្រះជាម្ចាស់តាមលក្ខណៈផ្សេងៗគ្នារបស់យើង សូមព្រះជាម្ចាស់ប្រទានដល់ពួកយើងនូវដួងចិត្តឥតងាករេនៅក្នុងសេចក្ដីស្រឡាញ់ដ៏ស្មោះត្រង់ចំពោះទ្រង់

ដកស្រង់ពី «ផ្លូវ ... (២)» នៃសៀវភៅ «ព្រះបន្ទូល» ភាគ១៖ ការលេចមក និងកិច្ចការរបស់ព្រះជាម្ចាស់